सागको ओलम्पिक टर्च सातै प्रदेशमा | इनोभेटिभ सेमिफाइनलमा | भ्याली पब्लिक दोहोरो उपाधिनजिक

काठमाडौं, मंसिर ५ गते ।
नेपालमा हुने १३ औं दक्षिण एसियाली खेलकुद (साग) को ओलम्पिक टर्च सातै प्रदेशमा पु¥याइने छ । ओलम्पिक टर्च ¥याली व्यवस्थापनको जिम्मेवारी पाएको नेपाल खेलाडी तथा प्रशिक्षक संघले बिहीबार पत्रकार सम्मेलन गरी सोको जानकारी गराएको हो ।
राष्ट्रिय खेलकुद परिषद्का सदस्य–सचिव एवं १३ औं दक्षिण एसियाली खेलकुद कार्यकारी समितिका संयोजक रमेशकुमार सिलवालले स्वयम्भुमा शुक्रबार बिहान ८ बजे ओलम्पियन एवं नेपाललाई पहिलो अन्तर्राष्ट्रिय पदक दिलाएका पूर्व धावक जितबहादुर केसीलाई टर्च हस्तान्तरण गरेपछि ¥याली प्रारम्भ हुने खेलाडी संघका अध्यक्ष एवं ¥याली संयोजक दीपक श्रेष्ठले जानकारी दिए । टर्च सातै प्रदेशका मुख्य शहरमा पु¥याइने अध्यक्ष श्रेष्ठले बताए । पत्रकार सम्मेलनमा सागका कीर्तिमान म्याराथन पूर्व धावक वैकुण्ठ मानन्धरले नेपालमा विगतमा भएका दुई साग भन्दा १३ औं साग भब्य हुने बताए ।

पहिलो दिन ¥याली प्रदेश १ को विराटनगर, दोश्रो दिन प्रदेश २ को जनकपुर, तेश्रो दिन प्रदेश ३ को हेटौंडा र चितवन, चौथो दिन प्रदेश ५ को लुम्बिनी र बुटवल, पाँचौं दिन कर्णाली प्रदेशको सुर्खेत र प्रदेश ५ को नेपालगन्ज, छैटौं दिन सुदूरपश्चिम प्रदेशको धनगढी तथा सातौं गण्डकी प्रदेशको पोखरा लगिने छ । आठौं दिन टर्चलाई पोखरामा नगर परिक्रमा गराइने छ । सोही दिन पोखराबाट टर्चलाई काठमाडौं ल्याइने छ । नवौं दिन काठमाडौंको विभिन्न स्थान परिक्रमा गराइ त्यसै दिन साग उद्घाटनस्थल त्रिपुरेश्वरस्थित दशरथ रंगशालामा दीप प्रज्ज्वलन गरिने कार्यक्रम छ ।

¥यालीमा ओलम्पियनहरु तेक्वान्दोका दीपक विष्ट, एथलेटिक्सका वैकुण्ठ मान्धर र राजेन्द्र भण्डारी, पौडीकी नयना शाक्य, बक्सिङका उमेश मास्के, जुडोकी देवु थापा, एथलेटिक्सका जितबहादुर केसी र एथलेटिक्सका ज्ञानबहादुर बोहरा, सुटिङका टीकाराम श्रेष्ठ, एथलेटिक्सका राजकुमारी पाण्डे, कान्छीमाया कोजु र मुकुन्दहरि श्रेष्ठ तथा खेलाडी संघका अध्यक्ष एवं सागका दोहोरो स्वर्णधारी करातेका दीपक श्रेष्ठ सहभागी हुने छन् ।

इनोभेटिभ सेमिफाइनलमा
इनोभेटिभ इङलिस स्कुल दोश्रो हिमालय कप बास्केटबल प्रतियोगिताको सिनियर ब्वाइजमा बिहीबार सेमिफाइनलमा प्रवेश गरेको छ ।
इनोभेटिभले बागमतीलाई ४८–१७ ले पराजित ग¥यो । इनोभेटिभको जितमा प्रशान्त केसीले १० अंक योगदान गरे । प्लस टु ब्वाइजमा सीसीआरसी सेमिफाइनलमा पुग्यो । रोशन श्रेष्ठको १२ अंक सहयोगमा सीसीआरसीले ह्वाइटहाउसलाई ५७–४२ ले हरायो ।

भ्याली पब्लिक दोहोरो उपाधिनजिक
आयोजक भ्याली पब्लिक भ्याली पब्लिक कप अन्तरविद्यालय बास्केटबल प्रतियोगिताको ब्वाइज र गल्र्स दुवैतर्फ बिहीबार फाइनलमा प्रवेश गरेका छन् । दुवैको ‘ए’ टिम फाइनलमा पुगेको हो ।
ब्वाइजमा भ्याली पब्लिकले गोल्डेनपिकलाई ४५–३५ ले पराजित ग¥यो । विजेताका राहुल विक र सुमन सुब्बाले समान १५–१५ अंक जोडे । फाइनलमा भ्याली पब्लिकको भेट ग्रिनल्यान्डसंग हुने छ । अर्को सेमिफाइनलमा ग्रिनल्यान्डले डाफोडिललाई ४५–३२ ले हरायो । ग्रिनल्यान्डका राजीव आले मगरले ३५ स्कोर गरे ।
गल्र्स सेमिफाइनलमा भ्याली पब्लिकले ग्रिनल्यानडमाथि २५–१७ को जित दर्ता ग¥यो । विजयी टिमका लागि श्रष्टि श्रेष्ठ र सुमिना तामाङले समान ११–११ अंक जोडे । अर्को सेमिफाइनलमा टीआईएले स्किब्सलाई २५–१९ ले पाखा लगायो । टीआईएकी कञ्चन मगरले ७ अंक जोडिन् ।

इपीएस क्वाटरफाइनलमा
इपीएस चौथो ३६१ डिग्री पिस प्वाइन्ट कप अन्तरविद्यालय फुटबल प्रतियोगिताको ब्वाइजमा बिहीबार क्वाटरफाइनलमा प्रवेश गरेको छ ।
पिस प्वाइन्ट स्कुलको आयोजनामा भइरहेको प्रतियोगितामा इपीएसले एभीएमलाई ४–१ गोलले पराजित ग¥यो । विजेताका अर्विन नगरकोटीले २ तथा देवराज कार्की र दया मुखियाँले १–१ गोल गरे । ब्वाइजमै नोबेलले रिभेरालाई ४–१ तथा जगत मन्दिरले सप्तगण्डकीलाई टाइब्रेकरमा ५–३ गोलले हराउदै क्वाटरफाइनलमा स्थान सुरक्षित गरे ।
गल्र्समा इपीएसले सम्भावीलाई टाइब्रेकरमा २–१ तथा सनसाइनले प्रस्फुटनलाई १–० गोलले पाखा लगाए । सनसाइनसी रेणु राईले निर्णायक गोल गरिन् ।

कार्यक्रममा उपस्थितिका लागि सूचना
काठमाडौंको दक्षिण भेगका प्रतिभावान खेलाडीको पहिचान गरी उनीहरुको क्षमता र दक्षता बढाउन प्रशिक्षण दिने उद्देश्यले यही मंसिर २५ गतेबाट आयोजना गर्न लागिएको वेस्ट काठमाडौं अन्तर विद्यालय छात्र फुटबल प्रतियोगिताका बारेमा जानकारी दिने उद्देश्यले निम्न मिति, समय र स्थानमा आयोजना हुने पत्रकार सम्मेलनमा उपस्थितिका लागि सम्पूर्ण सञ्चारकर्मी मित्रहरुलाई हार्दिक अनुरोध गर्दछौं ।
मिति ः २०७६ मंसिर ६ गते शुक्रबार
समय ः दिउँसो ठीक १ बजे
स्थान ः न्युरोड टिम (एनआरटी) भवन, त्रिपुरेश्वर
थप जानकारीका लागि
सुन्दर थापा, अध्यक्ष, वेस्ट काठमाडौं फुटबल क्लब,
९८५१०९४९५७

फ