यसपटक प्रतिनिधिसभा निर्वाचनमा बाँके–२ मा गठबन्धन नभई दलहरू एक्लाएक्लै प्रतिस्पर्धामा उत्रिएकाले हार–जितको अनुमान गर्न कठिन देखिएको छ। एमालेबाट पूर्वमन्त्री मोहम्मद इस्तियाक राई उम्मेदवार छन् भने राष्ट्रिय स्वतन्त्र पार्टी (रास्वपा)का विवेककुमार श्रेष्ठ र नेपाली कांग्रेसका सुधांशु कोइराला मुख्य प्रतिस्पर्धीका रूपमा उभिएका छन्।
भ्रष्टाचार अन्त्य र सुशासनको नारा बोकेको रास्वपाको देशव्यापी प्रभावका कारण बाँके–२ मा पनि श्रेष्ठ बलियो देखिएको आकलन गरिएको छ। पुराना दलहरू अलग–अलग चुनावी मैदानमा उत्रिँदा मत विभाजन हुने र त्यसको लाभ रास्वपालाई पुग्न सक्ने विश्लेषण भइरहेको छ।
दुई पटक सांसद तथा मन्त्री भइसकेका राईले विकासका आधारमा मत मागिरहेका छन्। तर पार्टीभित्रको असन्तुष्टि र बदलिँदो राजनीतिक माहोलले उनलाई चुनौती थपेको छ। कांग्रेसले भने स्थानीय तहको मत परिणामलाई आधार मान्दै आफ्नो जितको दाबी गरिरहेको छ।
पहाडी, मधेसी र मुस्लिम समुदायको मिश्रित बसोबास रहेको यस क्षेत्रमा २० जना उम्मेदवार प्रतिस्पर्धामा छन्। घरदैलो अभियान तीव्र बन्दै गएको छ। नयाँ र पुराना दलबीचको प्रतिस्पर्धाले बाँके–२ को चुनावलाई रोचक बनाएको छ, जसको नतिजा मतदाताको अन्तिम निर्णयले तय गर्नेछ।
बॉके क्षेत्र नं. २ मा सॉसद पदका उम्मेदवार पुर्व मन्त्री मो. इस्तियाक राई को पुरानो भिडियो
Discussion about this post