काठमाडौं । नेपाल विवेकशील पार्टीको प्रथम राष्ट्रिय महाधिवेशन माघ २४, शनिवार काठमाडौँको विशालनगरमा सम्पन्न भएको छ। महाधिवेशनमा देशभरका प्रतिनिधिहरूको सक्रिय सहभागिता रहेको थियो।
अधिवेशनले सिंहबहादुर मोक्तानको अध्यक्षतामा २१ सदस्यीय संघीय समिति निर्विरोध चयन गरेको छ। नवनिर्वाचित समितिमा संगीता बाटाजु उपाध्यक्ष, रितेश मल्ल सचिव (प्रशिक्षण तथा क्षमता विकास), सिता कुमारी मैनाली सचिव (अभियान तथा संजाल) रहेका छन्।
सदस्यहरूको सूचीमा कृष्ण देव भण्डारी, प्रधुम्न अर्याल, किरण साह, कपिल अर्याल, बिजय कुमार तामाङ, सुरजनारायण सिंह थापा, विकास उगरकोटी, महमद आमिन, दान बहादुर थिङ्ग, बिनु कुमार बराल, बिनिता कुमारी चौलागाई, शिशिर दर्शन धारी, सोर्णिका मोक्तान, मुना वस्नेत, अजिता राई, विकास रञ्जित र आशिष राई रहेका छन्।
महाधिवेशनले भावी कार्यदिशा, योजना तथा कार्यक्रमहरू पारित गर्दै पार्टीलाई थप सशक्त र रणनीतिक रूपमा अघि बढाउने प्रतिबद्धता व्यक्त गरेको छ। नवनिर्वाचित संघीय सदस्य आशिष राईका अनुसार, गतिशील मध्यमार्ग (Radical Centrism) राजनीतिक सिद्धान्त अपनाउने पार्टीले प्रमाण र मूल्यमा आधारित राजनीतिक संस्कारलाई व्यवहारमा उतार्ने लक्ष्य राखेको छ।
कार्यक्रममा अतिथिहरू पूर्वमन्त्री सुमना श्रेष्ठ, बागमती प्रदेशका पूर्वमन्त्री शैलेन्द्र वज्राचार्य र आशुतोष तिवारीले शुभकामना मन्तव्य व्यक्त गर्दै पार्टीको भावी यात्रामा सफलताको कामना गरेका थिए।
Discussion about this post