कृषि व्यवसाय प्रर्वद्धनको ६ करोड ६१ लाख बजेट सार्वजनिक

नेपालगन्ज २२ कार्तिक ।

कृषि व्यवसाय प्रर्वद्धन सहयोग तथा तालिम केन्द्रले आफ्नो बार्षिक कार्यक्रम सार्वजनिक गरेको छ । आज बार्षिक कार्यक्रम सार्वजनिकरण गोष्ठिको आयोजना गर्दै केन्द्रले यस आर्थिक वर्षमा गरिने कामको बारेमा जानकारी गराएको हो ।

केन्द्रले कुल ६ करोड ६१ लाख ६६ हजार बराबरको बजेट सहित कार्यक्रम सार्वजनिक गरीएको केन्द्रका प्रमुख अमरराज घिमिरेले जानकारी दिनुभयो । केन्द्रले आज गरेको सार्वजनिक कार्यक्रममा कृषि क्षमता अभिवृद्धि तथा सिप विकास तालिम तर्फ १ करोड ४० लाख ८० हजार बजेट छुट्याएको छ ।

त्यस्तै केन्द्रले कृषि तथा पशुपंक्षिजन्य उद्योग यन्त्र तथा पुर्वाधार विकास कार्यक्रम ३ करोड ६३ हजार, कृषि तथा पशुपक्षि श्रोत तथा प्रविधि सेवा टेवा विस्तार कार्यक्रमका लागी १६ लाख ५० हजार, युवा लक्षित कृषि व्यवसाय प्रवद्र्धन कार्यक्रमका लागी ५३ लाख बजेट छुट्याएको हो ।

त्यस्तै केन्द्रले पुजिगत तर्फ ३० लाख ३० हजार बजेट छ्ट्याएको केन्द्रका प्रमुख घिमिरेले जानकारी दिनुभयो । त्यस्तै आजै बालि संरक्षण प्रयोगशाला खजुराले पनि आफ्नो वार्षिक कार्यक्रम सार्वजनिक गरेको छ ।

प्रयोगशालाले कुल १ करोड ३३ लाख सहितको कार्यक्रम सार्जजनिक गरेको हो । प्रयोगशालाका प्रमुख बरिष्ठ बालि संरक्षण अधिकृत पुष्पराज वेल्वासेले उपभोग खर्च तर्फ ७८ लाख र ५५ लाख कार्यक्रमका लागी बजेट छुट्याइएको बताउनुभयो ।