नेपाल चलचित्र निर्देशक समाजले आफ्नो १३ औ बार्षिक साधरण सभा को अवसर पारेर अक्षय कोषको स्थापना गरेको छ । समाजले आफ्नो स्थापना दिवस को अवसरमा गत २२ गते चलचित्र बिकास बोर्डको हल मा एक कार्यक्रम गरी कोषको स्थापनाको घोषणा गरेको हो । कोषको स्थापनाको सुरुवात समाजका महासचिव जनकदिप पराजुलिले रु एक लाख प्रदान गरेर सुरुगर्नु भयो । कोषका लागि क्रमस समाजका सचिव तथा नेपाल चालचित्रकर्मि महासंघ प्रदेश १ का अध्यक्ष अरुण कुमार प्रधान ले २५,२२२/-, कार्य समिति सदस्य सुरेश नेउपाने ले २०,०००/- , ओएसआर डिजिटलका ॐ अग्रवालले ५१,०००/- ,निर्देशक मिलन चाम्सले १,११,१११/- , बेल्जियम निवासि रफि शाहले ५१,०००/-, तेजेन्द्र कडेलले १६,०००/- गरि जम्मा ३,७४,३३३/- संकलन भएको सचिव अरुण कुमार प्रधानले जानकारी दिनुभयो । २५ लाखको कोष खडा गर्ने लक्ष्य लिएको समाजले चलचित्र निर्देशकहरुले आफ्नो सदस्यता प्राप्त गर्ने बितिक्कै NLG Insurence कम्पनि मा रु ७,००,०००/- बराबरको दुर्घटना बिमा गर्ने निर्णय भएको समाजका महासचिव जनकदिप पराजुलिले जानकारी दिनुभयो ।
विमाका लागि भने सदस्यहरुले हरेक बर्ष आफ्नो सदस्यता नविकरण गर्नु पर्ने पराजुलिले बताउनु भयो । सोही कार्यक्रममा निर्देशक समाजले सातै ओटा प्रदेशमा आफ्नो शाखा विस्तारको साथै बिदेशमा पनि आफ्नो सम्पर्क कार्यलय स्थापना गर्ने निर्णय गरेको छ । यसैगरी समाजले सोही कार्यक्रममा २ वर्षीय निर्देशक तथा निर्माता हेमबहादुर लामालाई लाइफ टाइम एचिभ्मेन्ट अवार्डद्वारा सम्मानित गरेको छ । शहरी विकास राज्यमन्त्री रामवीर मानन्धरको प्रमुख आतिथ्यमा सम्पन्न कार्यक्रममा चलचित्र निर्देशकहरु युवराज लामा, रमेश बुढाथोकी, प्रकाश सायमी तथा नारायण पूरीलाई चलचित्र सर्जक सम्मान गरियो । युवा चलचित्र निर्देशक सम्मानमार्फत निर्देशक ऋषि लामिछाने तथा लोकप्रिय निर्देशक सम्मान दीपाश्री निरौलालाई प्रदान गरियो । लाइभफटाइम एचिभ्मेन्ट अवार्डद्वारा सम्मानित निर्देशक हेमबहादुर लामाले नीजि क्षेत्रबाट चलचित्र बन्न थालेपछि ‘आदर्श नारी’ को निर्माण तथा निर्देशन गरेका थिए ।
आदर्श नारी’ ले थुप्रै जना कलाकार, गायक, गायिका तथा संगीतकारलाई समेत पहिलो ब्रेक दिएको थियो । अभिनेता विजय लामाले यही यसै चलचित्रबाट डेब्यू गरेका थिए भने अभिनेत्री सन्नी रौनियार, हनी रौनियार, अंशुमाला शाही, कलाकार उज्ज्वल घिमिरे, मोहन निरौला, संगीतकार मदन परियारले यही चलचित्रबाट ब्रेक पाएका थिए । चलचित्र क्षेत्रका बिभिन्न दिग्गज व्यक्तिहरुको उपस्थिती रहेको कार्यक्रममा समाजको विगतदेखि वर्तमानसम्मको वृत्तचित्र प्रदर्शन गरेर कार्यक्रमको सुरुवात गरिएको थियो भने स्रष्टाहरुलाई रेडकार्पेटमा स्वागत गरिएको थियो । समारोहमा चलचित्र निर्देशनभन्दा बाहिरको विधामा पनि सफलता हासिल गरिरहनु भएको भन्दै चलचित्र विकास बोर्डका अध्यक्ष दयाराम दाहाल, पशुपति क्षेत्र विकास कोषका अध्यक्ष डा.घनश्याम खतिवडा तथा कान्तिपुर टेलिभिजन तथा रेडियो कान्तिपुरका स्टेशन मेनेजर दिनेश डिसीलाई दोसल्ला ओढाएर उहाँलाई वधाइ ज्ञापन गरिएको थियो । निकट भविस्यमा नेपालका तिन स्थानमा कार्यशाला गर्ने योजना तथा वैशाखमा निर्देशकहरुको पिकनिक कार्यक्रम आयोजना गर्ने योजना रहेको भनेर समाजकि अध्यक्ष रक्षा सिंह राणाले जानकारी गराउनु भयो ।
Discussion about this post