महिला स्वास्थ्य स्वयम््सेविकाको भुमिका महत्वपुर्ण

डुडुवा (बाँके), १९ मंसिर । आज १६ औ महिला स्वास्थ्य स्वयम््सेविका दिवस बाँकेको डुडुवा गाउँपालिकामा मनाइएको छ । गाउँपालिकास्तरिय आयोजित कार्यक्रममा समुदाय स्तरमा स्वयम््सेवी मानवियताको भावनाले काम गर्ने महिला स्वास्थ्य स्वयम््सेविकाको काम र जिम्मेवारी निकै महत्वपुर्ण भएको सहभागिहरुले बताएका थिए ।

स्वास्थ्य स्वयम््सेविकाहरुले दिनरात समुदाय स्तरमा स्वास्थ्यका क्षेत्रमा खटिएर काम गरिरहेका छन । गाउँपालिकाले उनीहरुको कामको मुल्याकंन गर्दै आगामी वर्षदेखि प्रत्येक स्वयम््सेविकालाई आवात जावतमा सहजताका लागि साइकिल प्रदान गर्ने योजना रहेको अध्यक्ष नरेन्द्रकुमार चौधरीले बताउनुभयो । उहाँले स्वयम््सेविकाहरुको भुमिका जस्तै रहेका आमा समुहरुलाई समेत सक्रिय बनाइ स्वास्थ्य शिक्षालाई व्यापकता दिने प्रतिबद्धता गर्नुभयो ।

गाउँपालिका अन्र्तगत रहेका ६ वटा वडामा ५९ जना महिला स्वास्थ्य स्ेवयम््सेविकाहरु कार्यरत रहेका छन । आज आयोजित कार्यक्रममा गाउँपालिका उपाध्यक्ष शाहिदा बानो, वडाध्यक्ष गजेन्द्र कैराती, स्वास्थ्य शाखा प्रमुख धनबहादुर बुढा लगायतले बोल्नुभएको थियो । कार्यक्रममा महिला स्वास्थ्य स्वयम््सेविकाहरुलाई विभिन्न प्रतियोगिता समेत गरिएको थियो ।