बाँके – सन नेपाल लाइफ इन्स्योरेन्स कम्पनी बाँके शाखा अन्तरगत कोहलपुर उपशाखाले मृत्यु दावी भुक्तानी दिएको छ ।
बिहीवार राप्ती सोनरी गाउँपालिका वडा नम्बर २ कचनापुरमा एक औपचारिक कार्यक्रम गरि मृतकका परिवारलाई उक्त दावी भुक्तानी रकम बराबरको चेक हस्तान्तरण गरेको हो ।
मृतक प्रशुराम चौधरीले असार ३० गते छोरा आरुष थारुको तीन लाख रुपैयाँको १५ वर्षिय बाल समृद्ध सावधिक जीवन बिमा गराउनुभएको थियो । निज प्रस्तावक रहेको उक्त बिमालेख जारी भए पश्चात् २०७६ भदौ ९ गते काठमाडौंको वीर हस्पिटलमा प्रस्ताव चौधरीको मृत्यु भएको थियो ।
कम्पनीको नियम अनुसार बिहिवार मृत्यु दावी भुक्तानी अन्तरगत रु ६८ हजारको चेक मृतककी पत्नी पार्वती थारुलाई कम्पनीका प्रतिनिधि तथा उपस्थित अतिथि द्वारा हस्तान्तरण गरियो । जसमा रु ५० हजार किरिया खर्च बापतको सुबिधा र मासिक रु ६ हजारका दरले तीन महिनाको एकमुष्ट रु १८ हजार मासिक आय सुबिधा ( पढाई खर्च ) प्रदान गरिएको हो । अब उप्रान्त प्रत्यक अङ्ग्रेजी महिनाको एक गते चेक मार्फत रु ६ हजारका दरले १५ बर्ष सम्म सो सुबिधा प्रदान गरिने कम्पनीका शाखा प्रबन्धक कमल शाहीले बताउनुभयो ।
मृत्युु दावी भुक्तानी कार्यक्रममा निवर्तमान संविधान सभा सदस्य समेत रहेका प्रमुख अतिथि पट्टु थारु , वडा नम्बर २ का सचिव बुद्धिराज भण्डारी , लक्ष्मी मा.बि.का प्राचार्य लक्ष्मण प्रसाद आचार्य , प्रहरी सहायक निरीक्षक विनोद जि.सी. , अशोक सामुदायिक बन उपभोक्ता समितिका अध्यक्ष प्रह्लाद चौधरी , समाजसेवी भुपेन्द्र ओली , पार्वती थारु , जनप्रतिनिधि कमला बि.क. लगायत सहभागिता रहेको कार्यक्रम कम्पनीका कोहलपुर उप-शाखा प्रमुख दल बहादुर थारुको अध्यक्षतामा सम्पन्न भएको थियो ।
Discussion about this post