आउदो शुक्रबारबाट प्रदर्शनमा आउन लागेको चलचित्र ‘प्रेम गीत -३’ को अग्रिम बुकिङ आक्रमक बन्दै गएकोछ । प्रदेश १ को मुख्य शहरहरु बिर्तामोड दमक , इटहरी , बिराटनगर र धरानका मल्टिप्लेक्स हलहरुमा ‘प्रेम गीत -३ ‘ को बुकिङ खुलेसँगै अग्रिम बुकिङ आक्रमक ढंगले अगाडी बढेकोछ । हिन्दी भर्जनलाई लिएर केही दिन यता बिबाद बढ्दै गएपनी त्यही हिन्दी भाषाकै प्रेम गीत -३ को माग उच्च रहेको QFX cinema बिर्तामोडका म्यानेजर केदार बस्नेतले जानकारी दिनुभयो । पुर्वका सबै हलहरुमा बुकिङ खुले सँगै सबै हलले उच्च शो दिएकाछन । प्रेम गीत -३ रिलिज लाई लिएर निकै उत्साहित भएका हल व्यबसायीहरु भने बिबादमा फस्न नचाहेको र दर्शकको मागलाई उच्च सम्मान गर्दै शो टाइम धेरै दिएको बताउछन ।
पुर्वमा मात्र हैन पश्चिमका बिभिन्न शहरका हलहरुमा बिहानी शो हरुनै हाउसफुल बुकिङ भएकोछ । प्रेम गीत -३ को पर्खाइमा रहेका दर्शकहरुले ५ दिन अगावै विहानी सोहरुनै हाउसफुल भएकोछ । केही समय यता बलिवुड र कलिवुड बजार तताएको प्रेम गीत -३ का बिरुद्दमा भने नेपालका चर्चित कलाकार तथा सफल निर्माताहरु प्रेम गीत – ३ बिरुद्दमा खनिन थालेकाछन । प्रेम गीत -३ को चर्चा भारत र नेपालमा चुलिदै गएपछी फिल्मको हिन्दी भर्जन नेपाल रिलिज लाई लिएर चलचित्र बिकास बोर्ड , निर्माता संघ र फिल्म निर्माण टिम विच एक प्रकारको सित युद्दनै चलिरहेको बेला नेपालका चर्चित कलाकार तथा निर्माता हरु पक्ष बिपक्ष लिएर बोल्न थालेका छन । फिल्मको बारेमा लिएर धेरै टिका टिप्पणी गरेपनी दर्शकको पर्खाइको चलचित्र प्रेम गीत -३ हिन्दी भाषा र नेपाली भाषामा एकसाथ रिलिज हुँदैछ ।
दुबै भाषामा रिलिजको तयारी भएको फिल्म हिन्दी भर्जनलाई लिएर बिबाद भएपनी हिन्दी भर्जनकै माग बढीरहेकोछ । २०० सय बर्षअघिको प्रेम काहानीलाई पर्दा मा उतारेको फिल्म स्वर्गिय छेतन गुरुङ् र सन्तोष सेनले संयुक्त रुपमा निर्देशन गरेकाछन । सन्तोष सेन निर्माता रहेको फिल्ममा सहनिर्माता कुमार सान शाह र ओएसआर डिजिटल छन् । भने कार्यकारी निर्माता चक्र बहादुर चन्द र मिलन सेन रहेकाछन । फिल्ममा मा प्रदिप खड्का, नव नायिका कृष्टिना गुरुङ, सुनिल थापा, शिव श्रेष्ठ, संतोष सेन, माओत्से गुरुङग, प्रेम पुरी, नवनायक मनिष रावत, अनुभव रेग्मी, सुजल बस्नेत, सम्बृद्धि शाही ठकुरी, योगीसा खत्री, लक्ष्मी बर्देवा, क्रिजल गौतम लगायतका कलाकारको मुख्य भूमिका रहेको छ ।
Discussion about this post