बाढीपीडितका लागि हेल्प मधेशी साउदी अरबको १० लाख १० हजार १० रुपैयाँ सहयोग

भोटेकोशी नदीमा आएको भीषण बाढीका कारण त्रिशूली नदी आसपासका रसुवा, नुवाकोट, धादिङ र चितवन जिल्लामा ठूलो असर परेको छ। बाढी तथा कटानका कारण जनधनको क्षति हुनुका साथै धेरै परिवार विस्थापित भएका छन् र ठूलो संख्यामा नागरिक राहत तथा उद्धारको पर्खाइमा रहेका छन्।

यस विपत्तिबाट प्रभावित जिल्लाको नागरिकका लागि हेल्प मधेशी साउदी अरबले मानवीय सहयोगस्वरूप रु. १० लाख १० हजार १० रुपैयाँ (१०,१०,०१०/-) सहयोग गर्ने घोषणा गरेको छ।

हेल्प मधेशी साउदी अरबका अध्यक्ष श्याम कुमार महतोले भन्नुभयो, “भोटेकोशीमा आएको बाढीले त्रिशूली नदी आसपासका जिल्लामा ठूलो मानवीय संकट सिर्जना गरेको छ। यस्तो दुःखद् परिस्थितिमा पीडितको साथमा उभिनु हाम्रो मानवीय दायित्व हो। त्यसैले बाढीपीडितहरूको राहत तथा पुनर्स्थापनामा सहयोग पुगोस् भन्ने उद्देश्यले संस्थाको तर्फबाट रु. १० लाख १० हजार १० रुपैयाँ सहयोग गर्ने निर्णय गरेका हौँ।”

अध्यक्ष महतोले राहत तथा उद्धार कार्यमा सक्रिय सबै निकाय, संघ–संस्था र सहयोगी मनहरूलाई प्रभावित क्षेत्रमा आवश्यकताका आधारमा सहयोग पुर्‍याउन आग्रह गर्नुभयो।