चर्चित नृत्य निर्देशक शिव वि क र अशोक वि क ले रुकुम पश्चिममा भएको घटनाको घोर विरोध |
देबेन्द्र बिस्वकर्मा – १५ जेष्ठ २०७७, बिहीबार
चर्चित नृत्य निर्देशक शिव वि क र अशोक वि क ले रुकुम पश्चिममा भएको घटनाको घोर विरोध र आपत्ति जनाउदै आन्दोलनमा उत्रिएका छन । विभिन्न संघ संस्था द्वारा आज माइतीघर मण्डलामा भएको विरोध र्यालीमा सहभागी हुँदै उनिहरुले विरोध जनाएका हुन ।
रुकुम पस्चिमको चौरजहारिमा यसै हप्ता भएको जातीय विभेदको कारणले भएको घटनाको दोषीलाई कारबाहीको माग गर्दै चौतर्फी विरोध भैरहेको छ ।
कथित उच्च जातिको किशोरी सङ्ग प्रेम गरेका नवराज विश्वकर्मा र उनका साथिहरु प्रेमिकाले बोलाएपछी उनलाई लिन गएका थिए।त्यहाँ पुगेपछि केटिको आमाले गाउँलेहरु बोलाएर उनीहरु माथी आक्रमण गरिएको थियो।उक्ता आक्रमणमा उनका प्रेमि भनिने नवराज वि क र उनका ६ जना साथिहरु बेपत्ता भएका थिए।भोलिपल्ट खोजी गर्दा पालैपालो गरि ५ जनाको शव भेटिएको थियोभने अझ एक जना बेपत्ता छन ।
केटि उच्च जाती भएको र केटो दलित भएको कारणले उनीहरुको विवाह हुन सकेको थिएन।अहिलेदलित भएकै कारणले यो घटना सृजना भएको भन्दै देश भर आन्दोलन भैरहेको छ ।
यसै विषयलाई लिएर संसदमा समेत आवाज
उठिरहेको बेला कलाकार द्वय शिव बि क र अशोक बि क ले सडकमा उत्रीएर घटना अत्यन्तै निन्दनीय र निछ भएको भन्दै घटनाको सत्य तथ्य छानबिन गरि दोषीलाई कडा भन्दा कडा कारबाही हुनुपर्ने र पिडितले न्याय पाउनुपर्ने माग राखेका छन।उनीहरुले एक्काइसौं शताब्दीमा पनि जातीय विभेदका कारण कसै सङ्ग प्रेम गर्नै नपाउनु,प्रेम गरेकै कारण ज्यान गुमाउनु अमानवीय र घृणित कार्य भएको भन्दै दोषीलाई कारबाही गर्नुपर्ने र यस्ता घटनाहरु दोहोरिन नपाउन भन्दै सरकार सङ्ग आग्रह गरेका छन।
Discussion about this post