ममता किन्डर गार्डेन मन्टेश्वरीले मनायो १७ औं वार्षिकोत्सब

ममता किन्डर गार्डेन मन्टेश्वरीले आफ्नो १७ औं स्थापना दिवस मनाएको छ । इटहरी उपमहानगरपालिका वडा नम्बर ५ मा रहेको यो ममता मन्टेश्वरीले अध्ययनरत बिध्यार्थी र अभिभावकको बिच विभिन्न कार्यक्रम गरि मनाएको छ । १७ बर्ष अघि बाट संचालनमा आएको यो मन्टेश्वरीले आज १७  औं स्थापना दिवस मनाउँदै गर्दा अझ जिम्मेवारी थपिएको यस मन्टेश्वरीकी संचालक बिनिता ढमाल बताउनु हुन्छ । १५० बालबालिका अध्ययनरत यस मन्टेश्वरीमा बालबालिकालाई अध्ययन सँगै अतिरिक्त क्रियाकलापमा पनि समाबेश गरिने संचालक ढकालले जानकारी दिनु भयो ।

सानै उमेरमा बालबालिकालाई किताबको बोझले नकारात्मक उर्जा ल्याउन सक्ने भन्दै विभिन्न बैज्ञानिक प्रबिधि बाट पनि पढाउने गरीएको ढकाल बताउनु हुन्छ ।  मन्टेश्वरी भनेको त्यस्तो आधुनिक शिक्षा विधि हो जहाँ विद्यार्थीहरु आत्म निर्देशित अर्थात् रुचिकर गतिविधिहरुमा तल्लीन रहन्छन् ।  सामान्यतया २ देखि ६ वर्ष उमेर समूहका बालबालिकालाई सबै इन्द्रीयहरुको प्रयोग मार्फत आफैंले छोएर, हेरेर, गरेर अनि व्यक्तिगत वा समुहगत रुपमा विभिन्न क्रियाकलाप अथवा खेलमा सहभागी गराएर सिकाउने विधि मन्टेश्वरी शिक्षा रहेको र यो मन्टेश्वरी यही विधिबाट संचालित रहेको अध्यक्ष ढकाल बताउनु हुन्छ ।

उहाँ थप्दै भन्नू हुन्छ मन्टेश्वरी कक्षामा विद्यार्थीहरुले परम्परागत स्कुलमा जस्तै घोकेर, रटेर नभई प्रयोगात्मक गतिबिधि मार्फत आफैं सिक्ने भएकाले मन्टेश्वरी शिक्षा अनिवार्य छ ।  कार्यक्रममा इटहरी उपमहानगरपालिका वडा नम्बर ५ का वडा अध्यक्ष भीष्म कुमार घिमिरे रहनु भएको थियो । कार्यक्रममा अध्ययनरत बालबालिकाले आफ्नो प्रतिभा देखाएका थिए । कार्यक्रम संचालन पनि बालबालिकाहरुले नै गरेका थिए ।