स्याङ्जा सहयोग समाजको देउसी भैलो कार्यक्रमको तयारी अन्तिम चरणमा ( भिडियो सहित )

स्याङ्जा सहयोग समाज,साउदी अरब ले देउसी भैलो कार्यक्रम को आयोजना गर्ने भएको छ ।

कार्यक्रम आउँदो शुक्रबार नोभेम्बर १ का दिन रियाद स्थित एक्जित १८ मा रहेको इस्तारामा हुने छ । कार्यक्रम आयोजक ले दिएको जानकारी अनुसार कार्यक्रम दिउसो २  बजे बाट सुरु हुने जनाईएको छ ।

बागेश्वरी न्युज डट कम संग कुराकानी गर्दै स्याङ्जा सहयोग समाजका अध्यक्ष पारस काफ्ले ले कार्यक्रम को तयारी अन्तिम चरणमा रहेको जानकारी दिएका छन् । ‘जहाँ रहे पनि जहाँ गए पनि’ आफ्नो मौलिक परम्परा संस्कृति जगेर्ना गर्नु पर्छ भन्ने उदेश्य ले समाजले कार्यक्रम आयोजना गर्न लागेको जनाउदै उपश्तीतीको लागि सबैमा आग्रह गरेका छन। देउसी भैलोको लागि स्थानीय कलाकारहरु संग सहकार्य गर्ने गरि अघि बढेको जनाउदै मौलिकताको प्रबर्धन सम्रक्षण,मनोरञ्जन साथै सहयोग कोष वृद्धि को लक्ष्य रहेको समेत काफ्ले ले जनाए।

समाजका संस्थापक अध्यक्ष मोहन बीएसके ले कार्यक्रम सभ्य एवं भब्य रुपमा आयोजना हुने जनाउदै संस्थाले हालै कार्यसमितिका सदस्यहरु द्वारा सहयोग दिई शुरु गरिएको पिडित उद्दार कोष को सदुपयोग साउदी अरबमा समस्यामा रहेका नेपालीहरुको सहयोगमा लगाईने जनाए। देउसी भैलो कार्यक्रम बाट सो कोष वृद्धिमा थप सहयोग पुग्ने बिश्वास लिएको  समेत उनले जनाए।

नेपालीहरुको दोश्रो ठुलो चाड तिहार मा देउसी भैलो खेलिने गरिन्छ । साउदी अरबमा पछिल्लो दिन मौलिक नेपाली चाडपर्ब को झल्को दिने प्रयास हुदै आएको छ । जसमा जातीय संगठनहरु ले आ आफ्नो चाडहरु नबिराई आयोजना गरिदै आएको देखिन्छ भने नेपालीहरुको ठुलो चाड दशैँ,तिहारमा समेत शुभकामना आदान प्रदान गरि मनाउने प्रचलन मा बढोतरी हुदै आएको देखिन्छ।

( हेर्नुस् भिडियो )