नेपालगन्ज, २६ जुन —
“स्वस्थ, सभ्य र सुरक्षित समाजको प्रतिवद्धता: लागू औषध दुरुपयोग विरुद्ध ऐक्यवद्धता” भन्ने मूल नाराका साथ आज नेपालगन्जमा ३८ औं लागू औषध विरुद्धको अन्तराष्ट्रिय दिवस भव्य रूपमा मनाइएको छ।
कार्यक्रम अन्तर्गत बृहत प्रभातफेरी आयोजना गरिएको थियो, जसमा नेपालगन्ज उपमहानगरपालिकाका प्रमुख, बाँकेका प्रमुख जिल्ला अधिकारी, सहायक प्रमुख जिल्ला अधिकारी, नेपाल प्रहरी तथा सशस्त्र प्रहरीका अधिकृत तथा जवानहरू, लागू औषध विरुद्ध काम गर्ने विभिन्न संघसंस्था, समाजसेवी, मिडियाकर्मी लगायतको उल्लेख्य उपस्थिति रहेको थियो।
प्रभातफेरी जिल्ला प्रशासन कार्यालय बाँकेको प्राङ्गणबाट सुरु भई भेरी प्राविधिक शिक्षालयस्थित कार्यक्रम स्थलमा समापन गरिएको थियो।
यस कार्यक्रममार्फत समाजमा बढ्दो लागू औषध दुरुपयोगको समस्या प्रति जनचेतना अभिवृद्धि गर्नुका साथै सबै सरोकारवाला निकायबीच सहकार्य र ऐक्यवद्धता झल्काइएको आयोजकले जनाएका छन्।
Discussion about this post