रियादमा नेपाली जनसम्पर्क समिति साउदी अरबको तेस्रो राष्ट्रिय अधिवेशन २६ डिसेम्बरमा

रियाद । नेपाली जनसम्पर्क समिति साउदी अरबले “राष्ट्रियता, लोकतन्त्र र समाजवाद, देश विकासमा युवाको हात” भन्ने मूल नारासहित आफ्नो तेस्रो राष्ट्रिय अधिवेशन–२०२५ आयोजना गर्ने भएको छ।

अधिवेशन यही आउँदो शुक्रबार, २६ डिसेम्बर २०२५ का दिन साउदी अरबको राजधानी रियादस्थित डिमोरा होटल, बथा मा सम्पन्न हुने समितिले जनाएको छ। क्त अधिवेशनमा नेपाली काँग्रेसका केन्द्रीय सदस्य तथा नेपाली जनसम्पर्क समिति समन्वय विभाग प्रमुख श्री किरणराज शर्मा पौडेल प्रमुख अतिथिका रूपमा सहभागी हुनुहुनेछ।

समितिले साउदी अरबमा रहनु भएका राष्ट्रियता, लोकतन्त्र र समाजवादका आदर्शमा आस्था राख्ने काँग्रेसी साथीहरू, विभिन्न संघ–संस्था, संगठन, व्यवसायी, बुद्धिजीवी, समाजसेवी, मिडियाकर्मी तथा सम्पूर्ण नेपाली समुदायलाई अधिवेशनमा गरिमामय उपस्थितिका लागि हार्दिक अनुरोध गरेको छ। अधिवेशनलाई भव्य, सभ्य र सफल बनाउन सबैको सक्रिय सहयोग आवश्यक रहेको समितिको भनाइ छ।

मिडियाकर्मीहरूका लागि विशेष सूचना

साउदी अरबमा क्रियाशील नेपाली अनलाइन मिडिया, समाचार पोर्टल, युट्युबर तथा पत्रकार साथीहरूले प्रमुख अतिथि श्री किरणराज शर्मा पौडेलसँग अन्तर्वार्ता लिन चाहनुहुने भए पहिले नै नेपाली जनसम्पर्क समिति साउदी अरबलाई जानकारी गराउन अनुरोध गरिएको छ।

त्यसैगरी, अधिवेशनको दिन साउदी अरबमा रहेका कुनै पनि नेपाली क्रियाशील संघ–संस्थाहरूले कार्यक्रम नजुधाइदिनुहुन पनि समितिले विनम्र अनुरोध गरेको छ।

कार्यक्रम विवरण

• कार्यक्रम: तेस्रो राष्ट्रिय अधिवेशन–२०२५
• मिति: शुक्रबार, २६ डिसेम्बर २०२५
• समय: दिउँसो १२:०० बजे
• स्थान: डिमोरा होटल, बथा, रियाद, साउदी अरब

नेपाली जनसम्पर्क समिति साउदी अरब