बाँके, असार ७ गते – बाँके जिल्ला, नेपालगञ्ज उपमहानगरपालिका–१५ स्थित जमुनाबाट लागू औषधसहित दुई जना युवक पक्राउ परेका छन्।
जिल्ला प्रहरी कार्यालय बाँकेका अनुसार पक्राउ परेकामध्ये एक जना दाङ घोराही उपमहानगरपालिका–१५ निवासी राजु पुन मगर रहेका छन् भने अर्का व्यक्ति कस्मिक भण्डारी (ठेगाना खुलाइएको छैन) रहेका छन्।
प्रहरीले उनीहरूको साथबाट Tramadol लेखिएको ६ पत्ता (६० क्याप्सुल) र Tramadol जस्तै देखिने खुल्ला ३८ क्याप्सुलसहित जम्मा ९८ क्याप्सुल, Nitrazepam लेखिएको १ पत्ता (१० क्याप्सुल) तथा खुल्ला अवस्थामा रहेका Nitrazepam जस्तो देखिने २० क्याप्सुलसहित जम्मा ३० क्याप्सुल बरामद गरेको छ।
त्यसका साथै कोरेक्स १०० मिलिलिटर र करिब ५२० मिलिग्राम ब्राउन सुगर जस्तो देखिने खैरो धुलो पदार्थ पनि बरामद गरिएको प्रहरीले जनाएको छ।
पक्राउ परेकाहरूविरुद्ध लागू औषध (नियन्त्रण) ऐन, २०३३ अनुसार आवश्यक कानुनी प्रक्रिया अघि बढाइएको जिल्ला प्रहरी कार्यालय बाँकेले जानकारी दिएको छ।
Discussion about this post