नेपाली जनसंपर्क समिती साउदीअरबद्वारा आज १ जना अलपत्रमा परेका नेपालीको साउदीअरबको राजधानी रियादबाट उद्दार गरिएको छ ।
४ बर्ष अगाडि रियाद एक्जिट ८ मा रहेको अब्दुल वाहिज रेस्टुरेन्टमा क्लिनर कामको लागि आएका बुटवल तामनगर निवासी सचिन थापालाई कम्पनिले २ बर्ष देखी अकामा नबनाइ काममा लगाई राखेको थियो तर हाल विश्वभरी फैलिएको कोरोना भाईरस कोभिड – १९ ले गर्दा साउदीअरबको रियादमा १ महिना भन्दा लामो समय अघी देखी भएको लकडाउनका कारण उक्त होटेल बन्द नै भएपछी कम्पनिले बस्न र खान पनी नदिएपछी थापा अलपत्रमा परेका थिए । 
पीडित सचिन थापा आज बिहान नेपाली जनसंपर्क समिती साउदीअरबका सभापति दिपक रेग्मिको संपर्कमा आएपछी दूतावासलाई जानकारी गराई पिडितलाई उद्दार गरी ल्याइएको तर दूताबासले अहिलेको अवस्थामा दूतावासमा पनि राख्ने उचित ब्यबस्था नभएको र नेपाल फर्काउन पहल गर्न पनि सम्भब नभएको हुनाले लकडाउन सकिने बित्तिकै उक्त पीडितलाई नेपाल फर्काउन, कम्पनिसँग कुरा गर्न र आबश्यक प्रकृया अगाडि बढाउन दूतावासबाट द्रुत गतिमा पहल हुने तर अहिले केही समयलाई जनसंपर्क समितिले नै केही ब्यबस्था गरी राख्नको लागि अनुरोध गरेपछी हाललाई जनसंपर्क समितिले नै खाने बस्नेको ब्यबस्था गरेर उक्त पीडितलाई सुरक्षित राखिएको छ ।
साउदीअरबको बिभिन्न शहरहरुमा कोरोना भाईरसबाट संक्रमित हुनेको संख्या बढ्दो क्रममा रहेकोले यहाँको बिभिन्न शहरहरुमा २४ घण्टा लकडाउन साथै कर्फ्यु नै भएकोले बिशेष पासको ब्यबस्था गरी जनसंपर्क समिती साउदीअरबका सभापति दिपक रेग्मी र सहकोषाध्यक्ष पदम प्रसाद पाण्डे गएर आज बिहान पीडितको उद्दार गरिएको थियो ।
कोरोना भाईरस कोभिड १९ का कारण भएको लामो समयको लकडाउनका कारण साउदीअरबका स-साना कम्पनिहरु बन्द हुन थालेका छन र उक्त कम्पनिमा कार्यरत कामदारहरुपनी कम्पनी नै बन्द भएर कम्पनी आफ्नो कामदारको सम्पूर्ण जिम्मेवारिबाट पछी हट्न थालेसंगै धेरै नेपाली पनि अलपत्र पर्न थालेका छन र संपर्कमा आउन थालेका कारण यसतर्फ नेपाली राजदूतावास रियाद लगायत सम्पूर्ण सरोकारवाला निकायहरुले बेलैमा
गम्भिर रुपमा नसोचे अवस्था जटिल हुन सक्छ, त्यसैले साउदीअरबमा कोरोनाको बढ्दो प्रभाब, संक्रमण संगै अब आउने जलिट अवस्थाको बारेमा र यसबाट साउदीअरबमा रहेका नेपालीहरुको बिषयमा गम्भिर छलफल गरी आउने समस्याहरुलाई सजिलै समाधान र न्युनिकरण गर्न सकिन्छ त्यसको बारेमा सामुहिक छलफल गरौँ र तयारी अवस्थामा बसौँ भनी नेपाली राजदूतावास रियाद लगायत साउदीअरबमा कृयाशिल सम्पूर्ण नेपाली संघ-संस्था, समुदायहरुमा नेपाली जनसम्पर्क समिती साउदीअरब हार्दिक अनुरोध गर्दछौं ।
धन्यवाद । जय नेपाल ।
-सुरेश राज त्रिपाठी
महामन्त्री
तथा नेपाली जनसंपर्क समिती साउदीअरब परिवार ।
Discussion about this post