साउदीअरब रियाद २०७९ फागुन ७
साउदी अरबको राजधानी रियाद अन्तर्गत नेपाली राजदूतावासद्वारा ७३ औं राष्ट्रिय प्रजातन्त्र दिवस भव्यताका साथ सम्पन्न भएको छ ।
श्रमको मुख्य कर्मथलो बन्दै आएको साउदीअरबमा स्थापित राजनितिक दलका भातृसंगठन ,सामाजिक संघ संस्था, बुद्दिजीवी ,व्यवसायी, पत्रकार ,मिडियाकर्मी लगायतका प्रतिनिधि बिचमा रहेर नेपाली राजदूवासद्वारा आयोजित उक्त कार्यक्रममा विभिन्न संघ संस्थाबाट आमण्त्रीत प्रतिनिधिद्वारा शुभकामना आदनप्रदान भएको थियो ।
जहानियाँ हुकुमी शासन अन्त्य भएको दिन राणा शासकहरुको १०४ वर्ष लामो वंशीय निरङ्कुश हुकुमी शासन लाई बिदा गर्दा आहुती दिने ज्ञात अज्ञात शहिदहरु प्रति श्रदासुमन अर्पण गर्दै सम्पुर्ण उपस्थित प्रतिनिधिहरुलाई शुभकामना प्रदान सहित आफ्नो मन्तव्य राख्दै राजदूतावासका राजदूत महामहिम नवराज सुवेदीद्वारा कार्यक्रमको औपचारिक समापन भएको थियो ।
उक्त कार्यक्रमा श्रमिक सुधारका निम्ति भएका र आउँदा दिनमा हुने कार्यहरुको समिक्षा गर्दै उपस्थित प्रतिनिधि माझ अन्तरक्रिया कार्यक्रम भएको थियो। कार्यक्रम दूतावास प्राङ्गणमा सम्पन्न भएको थियो भने कार्यक्रम ऋषिराज आचार्य ज्यूले संचालन गर्नु भएको थियो।
Discussion about this post