यस्तो छ ‘एक भगवत् गीता’मा विपिन, सुहाना र धीरजको क्यारेक्टर लुक्स

भदौ २९ गते प्रदर्शनमा आउने चलचित्र ‘एक भगवत् गीता’ को पोस्टरहरु सार्वजनिक भएको छ् । झर्ना थापाको निर्देशनमा बनेको चलचित्र ‘एक भगवत् गीता’ मा विपिन कार्की , धीरज मगर र् सुहान थापाको मुख्य भूमिका रहेको छ् । सार्वजनिक भएको एक पोस्टरमा अभिनेता विपिन कार्कीलाई ट्रान्सजेन्डर महिलाको भूमिकामा प्रस्तुत भएका छन । अन्य पोस्टरमा धीरज र् सुहान पनि फिचर्ड छन ।

अन्तरजातीय प्रेमकथामा निर्माण भएको चलचित्र ‘एक भगवत् गीता’ मा कबीर खड्का, जेविस/जेविन श्रेष्ठ, संजोग रसाइली, मुकेश झा, अनुराग कुँवर, राम कैलाश ठाकुर, धिरज ठाकुरको पनि अभिनय छ ।सुनिलकुमार थापाको निर्माण रहेको फिल्मको कथा निर्देशक थापा स्वयंको हो । झरनासँगै सरिन पोखरेल, परिक्षेद सेन, पुरुषोत्तम ढंगेल र कृष्णको पटकथा रहेको फिल्ममा परिक्षेद र पुरुषोत्तमको संवाद छ ।

राजेश श्रेष्ठको छायांकन, मित्र डि गुरुङको सम्पादन, हिमाल केसीको द्वन्द्व, कविराज गहतराजको कोरियोग्राफी तथा शैलेश श्रेष्ठको ब्याकग्राउण्ड स्कोर रहेको फिल्मको निर्माता सुहाना थापा हुन् । झरनालाई ‘ए’ शब्द फापेको छ । उनी निर्देशित ‘ए मेरो हजुर’का तीनटै सिरिज सफल भएका थिए । यसैले उनले ‘भगवत् गीता’मा पनि ‘ए’ शब्द आउने एक राखेकी हुन् ।