‘पशुपति प्रसाद २ : भष्मे डन’को पोस्टर सार्वजनिक

चलचित्र ‘पशुपति प्रसाद २ : भष्मे डन’को क्यारेक्टरलाई चित्रण गर्ने तीन वटा पोस्टर सार्वजनिक भएको छ् । सार्वजनिक भएको एक पोस्टरमा चलचित्रका मुख्य कलकारहरु फिचर्ड छन भने अर्को एक पोस्टरमा विपिन कार्की सोलो फिचर्ड छन । दीपेन्द्र के खनालको निर्देशन तयार भएको चलचित्र ‘पशुपति प्रसाद २ : भष्मे डन’ यही बर्षको दसैंमा प्रदर्शनमा आउँदै छ् ।

पोस्टरमा अभिनेत्री स्वस्तिमा खड्का दुर्गामाताको अवतारमा चित्रित छिन् । उनको लुक्स दमदार देखिन्छ । त्यस्तै, अभिनेता सौगात मल्ल टाउकोमा फेटा बाँधेर रिसाहा लुक्समा देखिएका छन् । पोस्टरमा कलाकारहरु रविन्द्र सिंह बानियाँ, माओत्से गुरुङ, प्रकाश घिमिरे, लोकेन्द्र लेखकलाई देख्न सकिन्छ । कलाकारहरुको लुक्स र गेटअपले चलचित्रप्रती दर्शकको चासो बढाउन सक्छ ।

पशुपति प्रसादको मृत्यु पश्चात पशुपति क्षेत्रमा आफ्नो अस्तित्व स्थापित गर्न संघर्षरत भष्मे डनको जीवनमा एउटा रोमाञ्चक पात्रको प्रवेशपछि सुरु भएको परिचय र आत्मसम्मानको लागि गर्ने शक्ति संघर्षको कथामा ‘पशुपति प्रसाद २ : भष्मे डन’ निर्माण गरिएको हो ।

चलचित्रका लेखक तथा निर्माता खगेन्द्र लामिछाने हुन भने वर्षा सिवाकोटी र खगेन्द्र विशेष भूमिकामा देखिने छ्न । एक गीतमा आँचल शर्मा र निश्चल खड्का पनि देखिदै छन ।

निरज कँडेलको डिओपी, कृष्ण थापाको छायांकन, दीर्घ खड्काको सम्पादन, कृष्ण भारद्वाज तथा सुभाष भुषालको संगीत रहने सिनेमा टुकी आर्टस्को ब्यानरमा निर्माण भएको छ ।