प्रभास अभिनीत ‘द राजा साब’ को टिजर सार्वजनिक, नयाँ अवतारमा देखिँदै

भारतीय सुपरस्टार प्रभासको नयाँ फिल्म ‘द राजा साब’ को टिजर सार्वजनिक भएको छ। दर्शकहरूबीच ठूलो उत्सुकता रहेको यो फिल्ममा प्रभास पहिलोपटक हरर कमेडी विधामा देखिँदै छन्।

२ मिनेट २८ सेकेन्ड लामो टिजरको सुरुवात एक डर लाग्दो जंगलको किल्लाबाट हुन्छ, जहाँ एक रहस्यमयी संवाद सुन्न सकिन्छ:
“यो घर मेरो शरीर हो, यहाँको धन मेरो आत्मा हो, म गएपछि यसको आनन्द लिनेछु।”

टिजरमा ‘कल्की २८९८ एडी’ को प्रभास झल्कन्छन् भने केही दृश्यहरू रजनीकान्तको शैलीसँग मिल्दोजुल्दो देखिन्छन्। टिजरमा डरलाग्दा झलकसँगै प्रभासको कमेडी अवतारले दर्शकलाई अचम्ममा पार्छ।