</>
काठमाडौं, जेठ २ — राप्रपाका महामन्त्री धवल शम्शेर राणालाई काठमाडौं जिल्ला अदालतले ३ लाख रुपैयाँ धरौटीमा रिहा गर्न आदेश दिएको छ।
थुनछेक सम्बन्धी आज भएको बहसपछि जिल्ला अदालत काठमाडौंका न्यायाधीश शिवप्रसाद खनालको एकल इजलासले राणालाई धरौटीमा छाड्न आदेश दिएको हो। यसअघि उनी हाजिर जमानीमा रिहा भएका थिए।
गत चैत १५ गते तीनकुनेमा आयोजित राजावादी प्रदर्शन हिंसात्मक भएपछि प्रहरीले राणालाई पक्राउ गरी अनुसन्धान अघि बढाएको थियो। सोही घटनामा संलग्न आरोपमा मुख्य कमान्डर भनिएका दुर्गा प्रसाईंसहित सात जनालाई पुर्पक्षका लागि थुनामा पठाइएको छ।
यसअघि न्यायाधीश ध्रुवराज कार्कीको इजलासले दुर्गा प्रसाईंसहित ७ जनालाई पुर्पक्षका लागि जेल चलान गर्ने र अन्य ३२ जनालाई धरौटीमा रिहा गर्ने आदेश दिएको थियो।
Discussion about this post