झापाको दमकमा बसको ठक्करबाट मोटरसाइकल चालकको मृत्यु

झापा, दमक — जेठ २१ गते झापाको दमकमा यात्रुबाहक बसको ठक्करबाट मोटरसाइकल चालकको मृत्यु भएको छ।

दुर्घटना आज साँझ करिब ७:२० बजे दमक नगरपालिका–७ स्थित पशुहाट डाँडास्थित पूर्वपश्चिम लोकमार्गमा भएको हो। दमकबाट केर्खातर्फ जाँदै गरेको मे १ ख ३०२७ नम्बरको बस र केर्खाबाट दमकतर्फ आउँदै गरेको प्र.१–०२–०५२ प. २२११ नम्बरको मोटरसाइकल एक आपसमा ठोक्किएका थिए।

दुर्घटनामा दमक–४ निवासी ३६ वर्षीय मिलन थापा गम्भीर घाइते भएका थिए। उनलाई उपचारका लागि आर्य न्युरो अस्पताल, विराटनगर लगिएको थियो, तर उपचारकै क्रममा राति ८:४० बजे चिकित्सकले मृत घोषणा गरेका हुन्।

बस चालक गौरादह–४ निवासी ३२ वर्षीय सरकार टुडु रहेका छन्। दुबै सवारी साधन र चालक इलाका प्रहरी कार्यालय दमकको नियन्त्रणमा रहेको जिल्ला ट्राफिक प्रहरी कार्यालय झापाले जनाएको छ।