एल.आर.आई. स्कूल ८ औं स्पोर्टस फेस्ट | साइपाल सेमिफाइनलमा | न्यु समिट र कन्स्टिलेसन विजयी | एथलेटिक्सको टेक्निकल कोर्स सुरु |

मितिः२०७६।०७।२८
एल.आर.आई. स्कूल ८ औं स्पोर्टस फेस्ट अन्तरगत बास्केटबल प्रतियोगिताको  क्वाटरफाइनल म्याचहरु सम्पन्न भएको छ । एल.आर.आई. स्कूलको खेल मैदानमा जारी प्रतियोगिताको आज पांचौ दिन खेलिएको छात्र तर्फको क्वाटरफाईनल म्याचहरुमा टि.आई.ए. ले — गेटवे स्कुललाई ४९।२५ को विशाल अन्तरले पराजित गरेको छ । त्यस्तै पुष्पसदनले — ओयसिसलाई ३७। २९ को स्कोरले पराजित ग¥यो । छात्र तर्फकै अर्को प्रतिस्प्रधामा  भने रेडियन्टले — नेपालयलाई ४३।३७  को   अन्तरले   पराजित गर्यो ।

एल.आर.आई तथा एक्सलसेयर स्कुलल बीच भएको रोमान्चक प्रतिस्प्रधामा एल.आर.आईले जित हात पारेको छ । एल. आर. आईले — द एक्सलसेयर स्कुललाई खेलको अन्तिम क्षणमा ४३। ४१ को झिनो अन्तरले पराजित गर्दै जित हात पार्न सफल भएको हो । आजको प्रतियोगितामा रेडियन्टका सुवाष क्षेत्रिले सर्वाधिक २० प्वाईन्टस्कोर गर्न सफल भएका थिए ।

भोलि सेमिफाईनल खेल छात्रतर्फ टि.आई.ए. र एल.आर.आई तथा अर्को म्याच पुष्पसदन र रेडियन्ट बीच हुनेछ । त्यस्तै छात्रा तर्फको सेमिफाईनल म्याच  एल.आर.आई र राराहिल तथा शोर्णिम र ग्यालेक्सि बीच हुनेछ । भोलि देखिनै प्रतियोगिताको  अर्को चरण अन्तरगत फुटसलका म्याचहरु हुने छन् । फुटसलमा १२ वटा स्कुलको सहभागिता रहने  आयोजक एल.आर.आई स्कुलले जनाएको छ । फाइनल खेलहरु शनिवार खेलिनेछन् ।

साइपाल सेमिफाइनलमा
साइपाल एकेडेमी सातौं जेभियर इन्टरनेसनल यु–१९ बास्केटबल प्रतियोगिताको गल्र्सतर्फ बिहीबार सेमिफाइनलमा प्रवेश गरेको छ । साइपालले आयोजक जेभियर इन्टरनेसनल ‘ए’ लाई ५२–२० ले पराजित ग¥यो ।
गल्र्समै समृद्धिले आयोजक ‘ए’ लाई नै ४१–२३ ले हराउदै सेमिफाइनलमा स्थान पक्का गरे । ब्वाइजमा जेभियर ‘ए’ ले ट्रिनिटीलाई ६२–४०, कास्कीले चाणक्यलाई ५७–२३ र लुम्बिनीले समृद्धिलाई ६१–८ ले पाखा लगाउदै क्वाटरफाइनलमा स्थान बनाए ।

न्यु समिट र कन्स्टिलेसन विजयी
न्यु समिट र कन्स्टिलेसनले भ्याली पब्लिक कप अन्तर बिद्यालय बास्केटबल प्रतियोगिताको ब्वाइजमा बिहीबार जित हात पारेका छन् ।
न्यु समिटले केभीकेएसएसलाई ४५–३० तथा कन्स्टिलेसनले हिमालयन एकेडेमीलाई ३१–२६ ले पराजित गरे । न्यु समिटका सशांक महर्जनले १४ तथा कन्स्टिलेसनका उदिप राईले २२ अंक जोडे ।
ब्वाइजमै डिएनएले बाल विकासलाई २५–१६, गोल्डेनपिकले एचएचसीएलाई ५१–१५, आयोजक भ्याली पब्लिकले स्नो एपेक्सलाई ५१–३५ र एन्जल्स हर्टले भद्रकालीलाई २५–२० ले हराए । गल्र्समा एचएचसीएले फ्लोरोसेन्टलाई ३३–२३ तथा टीआईएले ओडिसीलाई ३०–११ ले पाखा लगाए ।

एथलेटिक्सको टेक्निकल कोर्स सुरु
नेपाल एथलेटिक्स संघको आयोजनामा एथलेटिक्स टेक्निकल अफिसियल कोर्स बुधबारदेखि सुरु भएको छ ।
कोर्सको युवा तथा खेलकुद मन्त्री जगतबहादुर सुनार (विश्वकर्मा) ले एक कार्यक्रमबीच उद्घाटन गरे । साताव्यापी कोर्समा १ सय ३० जना सहभागी छन् । सहभागीलाई आईएएएफका डेलिगेट्स सीके भाल्सन र चिन्ना ताम्बाले प्रशिक्षण दिइरहेका छन् ।