शान्ति स्थापनाका लागी विभिन्न धर्मालम्भीहरुविच अनुभव आदान प्रदान ||

नेपालगन्ज २८ कार्तिक ।

शान्ति स्थापनाका लागी भएका अभ्यासका बारेमा नेपालगन्जमा विभिन्न धर्मालम्भीहरुविच अनुभव आदान प्रदान गरिएको छ । जन जागरण समाज बाँकेको आयोजनामा हिजो देखि सुरु भएको अन्तर सास्कृतिक तथा अन्तर सामुदायिक शान्ति स्थापना तालिमका सहभागीहरुले एक अर्काको धर्म सस्कृतिको बारेमा चर्चा गरेका थिए ।

सामुदायिक शान्ति निर्माणका लागी भिन्न सस्कृति र धर्म विच बृहत बुझाई र आदान प्रदानको लागी प्रोत्साहन गर्न कार्यक्रम आयोजना गरीएको जन जागरण समाज बाँकेका अध्यक्ष नसिरुल निसाले जानकारी दिनुभयो ।

कैलालीको जानकी गाउँपालिका र बाँकेको खजुरा र जानकी गाउँपालिकाका सहभागि रहेका उक्त तालिममा अन्तर सास्कृतिक शान्ति निमार्णमा विभिन्न धर्महरुको भुमिका सम्बन्धि प्रस्तुति र छलफल गरिएको जन जागरण समाजका प्रमुख व्यवस्थापक राम बहादुर पुनले जानकारी दिनुभयो । तालिममा सामुदायिक विकासका लागी भएका प्रयासका बारेमा पनि छलफल भएको व्यस्थापक पुनले बताउनुभयो । तालिम भोलि समापन हुने छ ।