</>
२७ असार, काठमाडौं।
टिकटकमा ‘ड्राइभर रेशम’का नामले परिचित रेशम राज पौडेल हाल थुनामा परेका छन्।
जिल्ला अदालत काठमाडौंले ५० हजार धरौटीमा रिहा गर्न आदेश दिए पनि, पौडेलले धरौटी नबुझाएपछि उनलाई कारागार चलान गरिएको प्रहरी स्रोतले जानकारी दिएको छ।
बाग्लुङ जिल्ला, निसिखोला गाउँपालिका–४ निवासी ३६ वर्षीय पौडेललाई केन्द्रीय साइबर ब्यूरोले नेपालगञ्जको रुपैयाँडियाबाट पक्राउ गरेको थियो।
साइबर अपराधको अभियोगमा काठमाडौं जिल्ला अदालतबाट ७ दिनको म्याद थप गरेर अनुसन्धान गरिएको हो।
रेशम राज पौडेलमाथि विभिन्न व्यक्ति र संस्थालाई लक्षित गर्दै तथ्यहीन सामग्रीहरू प्रसारण गरेर भ्रम फैलाएको आरोप लागेको छ।
प्रहरी स्रोतका अनुसार, उनीविरुद्ध जिल्ला अदालत कास्कीमा पनि अर्को मुद्दामा १० महिनाको कैद सजाय सुनाइएको छ।
📺
Discussion about this post