डुडुवामा सामुहिक रयाली र विशेष कार्यक्रम
डुडुवा (बाँके), १६ मंसिर । २८ औ लैगिङ््क हिंसा विरुद्धको १६ दिने अभियान अन्र्तगत डुडुवा गाउँपालिकामा आज बृहत सचेतनामुलक कार्यक्रम गरिएको छ । समानताको पुस्ता ः बलात्कार विरुद्ध एक्यबद्धता भन्ने मूल नाराका साथ गाउँपालिकामा आज बृहत रयाली संगै विशेष कार्यक्रम गरिएको छ ।
विभिन्न संघसंस्थाहरुको सहकार्यमा गाउँपालिकाले आयोजना गरेको कार्यक्रममा ग्रामिण समुदायस्तरमा लैगिङक हिंसा सम्वन्धी घटनाहरुको न्युनीकरण तथा त्यस्ता घटना हुन नदिनका लागि सचेतना अभिबृद्धि गरिएको छ ।
गाउँपालिकाका ६ वटै वडाबाट महिला, बालबालिका, किशोरी, अभिभावक, विद्यार्थी, सामाजसेबी लगायत सहभागि छुट्टाछुट्टै समुहमा निस्किएको रयालीले विभिन्न गाउँको परिक्रमा गरि गाउँपालिका कार्यालय परिसरमा पुगेर विशेष कार्यक्रममा परिणत भएको थियो ।
कार्यक्रममा बोल्दै गाउँपालिका अध्यक्ष नरेन्द्रकुमार चौधरीले भन्नुभयो—‘हाम्रो समाजमा अशिक्षा तथा चेतनाको अभाव छ, अझै पनि विभिन्न सामाजिक कुरिती, संस्कार र परम्परागत सोचले लैगिङ््क हिंसा सम्वन्धी घटनाहरु बढी रहेको छ’ । उहाँले ग्रामिण समुदायका महिला मात्र नभई पुरुष तथा बुढापाकालाई समेत यसबारे सचेतना अभिबृद्धि गराउन आवश्यक रहेकोमा जोड दिदै गाउँपालिकाले यस्ता कार्यक्रमलाई प्राथमिकता दिने प्रतिबद्धता गर्नुभयो ।
गाउँपालिका उपाध्यक्ष साहिदा बानोको अध्यक्षतामा सम्पन्न कार्यक्रममा कार्यपालिका सदस्यद्धय लिलावती यादव, रिता परियार, महिला अगुवा हेमा थाप, समाजसेवी खेमबहादुर बुढाथोकी लगायतले बोल्नु भएको थियो । त्यस अवसरमा महिला हिंसा विरुद्धको सचेतनामुलक नाटक, गित तथा नृत्य समेत प्रस्तुत गरिएको थियो ।
Discussion about this post