नेपालगन्ज १५ मंसिर । नेपालगन्ज उपमहानगरपालिका वडा नम्बर १४ मा लैङ्गिक हिंसा तथा लागू औषध दुव्र्यसन बिरुद्ध नागरिक सम्वाद कार्यक्रम गरिएको छ । सामुदायिक प्रहरी सेवा केन्द्र र समर्पण नेपालको आयोजनामा भएको कार्यक्रममा उपस्थित वक्ताहरुले आफ्ना बालबालिकालाई राम्रो संस्कार दिन पर्नेमा जोड दिएका थिए । राम्रो संस्कार नपाए जिन्दगी भरीनै पछुताउनु ुपर्ने अवस्था आउने भएकाले बालबालिकालाई लागू औषध दुव्र्यसन बाट टाढा राख्नु पर्ने बताएका थिए ।
वडा सदस्य ऋषि राम बर्माले समुदायमा लैङ्गिक तथा घरेलु हिंसा हुने गरेको र त्यसको लागि कसरी निराकरण गर्ने भन्ने कुरा जबसम्म जानकारी हुदैन तब सम्म हाम्रो समाज सुधार नहुने बताए । बर्माले समाज राम्रो बनाउन हामी सबैले मिलेर प्रयत्न गर्नुपर्ने कुरामा जोड थियो ।
हिरमिनिया प्रहरी कार्यालयका प्रमुख तेज बहादुर रानाले लागू औषध दुव्र्यसनको दलदलमा सबै उमेर समुहका मानिसहरू रहेको बताए । उनले, ‘बालबालिका देखि ५० बर्ष उमेर समुहका मानिसहरू लागू औषध दुव्र्यसनमा फसेको बताए । ’ शशस्त्र प्रहरी बलका प्रहरी निरीक्षक नर बहादुर सुनुवारले लागू औषध दुव्र्यसन रास्ट्रको नै समस्या रहेको र त्यसको धेर थोर जिम्मेवार समुदायका हामी सबै रहेका र हामी समाजका सबै मिलेर यसको निराकरणका लागि लाग्नु पर्ने कुरामा जोड दिएका थिए । नेपालगन्ज उपमहानगरपालिका वडा नम्बर १४ का अध्यक्ष ओमकार बर्माले समुदायमा लागू औषध दुव्र्यसनले बिकराल समस्यको रुप लिएको बताए ।
वडाध्यक्ष बर्माले हाम्रो मधेसमा लैङ्गिक हिंसा र लागू औषधको समस्याले बिकराल रुप ल्याउदै छ, त्यसैले हामि बेलैमा सचेत हुन जरुरी छ । वडाध्यक्ष बर्माले समुदाय प्रहरी साझेदारीको बारेमा बताउदै प्रहरी र जनताले मिलेर हामिमा भएका समस्या लाई समाधान गर्न सकिने कुरामा जिकिर समेत गरे । कार्यक्रममा बिज्ञ समुहको तर्फबाट अधिवक्ता वसन्त गौतम लगायतकाले सहजीकरण गरेका थिए ।
फोटाे फिचर :-
Discussion about this post