</>
रियाद — october 31 अन्तर्राष्ट्रिय पत्रकार महासंघ (International Federation of Journalists – IFJ) शाखा साउदी अरबको मासिक बैठक अक्टोबर 31का दिन संस्थाका अध्यक्ष श्री विष्णु घिमिरेको अध्यक्षतामा सम्पन्न भएको हो।
बैठकमा पत्रकारितासम्बन्धी समसामयिक विषयहरूमा गहन छलफल गरिनुको साथै प्रवासमा नेपाली पत्रकारिताको सशक्तिकरण, सहकार्य र पेशागत आचारसंहिता सुदृढीकरणका विषयमा सुझाव आदान–प्रदान गरिएको थियो।
मासिक बैठक को क्रममा संस्थाका प्रेस कार्डहरू प्रमुख सल्लाहकार अमर साप्कोटा र अध्यक्ष विष्णु घिमिरेको हातबाट वितरण गरिएको थियो।
बैठकमा महासचिव राजु खनाल, प्रवक्ता लोकेन्द्र खड्का, सञ्चार तथा अनुशासन संयोजक राज चेम्जुङ्ग, र सदस्य एल.बी. शिर्पाली प्रसादको समेत उपस्थिति रहेको थियो। सहभागी पत्रकारहरूले प्रवासी नेपाली पत्रकारहरूको आवाज सशक्त बनाउन निरन्तर सहयोग र एकताको प्रतिबद्धता व्यक्त गरेका छन।
यसै अवसरमा अध्यक्ष घिमिरेले संस्थाको सक्रियता बढाउँदै प्रवासी नेपाली पत्रकारबीच आपसी समन्वय, सूचना प्रवाह र प्रेस स्वतन्त्रताको संरक्षणमा संस्थाले निरन्तर भूमिका निर्वाह गर्ने बताउनुभयो।
बैठकमा थप निर्णयहरू पनि गरिएका छन् —
संस्थामा आबद्ध पदाधिकारीको घरमा कुनै अप्रिय घटना घटेर पारिवारिक सदस्यको मृत्युवरण भएमा, केन्द्रको ध्यानाकर्षण गराई काजकिरिया स्वरूप रू २०,००० सहयोग गर्ने निर्णय गरियो।
आबद्ध पदाधिकारीलाई बिभिन्न प्रकारका क्यान्सर रोग लागेमा, उपचारार्थ केन्द्रको सहयोग र अनुमतिमा प्रक्रिया पूरा गरी रू १,००,००० सहयोग गर्ने निर्णय समेत बैठकले गरेको छ।
Discussion about this post