साउदी अरबमा कार्यरत विभिन्न तीन संस्थाले सरकारले निर्धारण गरेको टिकट मूल्य प्रती असन्तुष्ट व्यक्त गरेका छन।गैर आवसिय नेपाली संघ (NRNA) NCC साउदी अरब,मोरङ्ग सुनसरी सेवा समाज र नेपाली हातेमालो समाज साउदिले संयुक्त रुपमा सामाजिक संजाल जुम मार्फत अन्लाईन पत्रकार सम्मेलन गरि एक प्रेस विज्ञप्ति जारी गर्दै असन्तुष्टि जनाएका हुन ।
नेपालको विषम परिस्थिति र अन्य कारणले विदेशिन बाध्य भएका नेपालीहरु अहिले विश्वव्यापी रुपमा फैलिएको कोरोना संकटको कारण आफ्नो रोजगारलाई गुमाएर स्वदेश फर्कनु पर्ने अवस्थाको सृजना भएको भन्दै विज्ञप्तिमा भनिएको छ:
लगातार ३ महिनाको संक्रमणकालिन अवस्था र बिना कमाइको कारण बिहान बेलुकाको खाना खर्च समेत जुटाउन अफ्ट्यारो परेको कारण नेपालीहरु दोहोरो तेहोरो पिडामा परेका छन । यस्तो अवस्थामा सरकारको ढिला सुस्ती काम गर्ने शैली र कोरोनाको महामारीलाई धन कमाउने अवसरको रुपमा लिने केही अमुक व्यक्तिहरुको प्रभावमा परेर सरकारले भाडा दर जारी गरेकोमा आहत बनाएको विज्ञप्तिमा जनाईएको छ।
NRNA NCC साउदीका अध्यक्ष तेज थापा,मोरङ्ग सुनसरी सेवा समाज साउदिका अध्यक्ष हेम सुवेदी र नेपाली हातेमालो समाज साउदिका अध्यक्ष टेक कट्वाल द्वारा हस्ताक्षरित सो विज्ञप्तिमा दुख पिडामा रहेका नेपालीहरुलाई यथाशीघ्र उद्दार गरि आफ्नो अभिभावकत्व निर्वाह गर्नुपर्ने ठाउँमा सरकारले आफू निकट ट्राभल एजेन्सीको छनोट गरि उनीहरुले नै तोकेको चार्टड फ्लाइटमा महङ्गो भाडादर तोकिनु अत्यन्तै दुखद भएको भनिएको छ। दुई तिहाई रेमिटेन्स वैदेशिक रोजगारबाट भित्रीने गरेपनि अहिले विदेशमा अफ्ट्यारोमा परेका आफ्ना नागरिकलाई सहजता दिनुको सट्टा विदेशमै कष्टकर जीवन बिताउन वाध्य बनाएको जनाइएको छ ।
सरकारले आफ्ना नागरिक उद्दारमा कुनै बहाना गर्न नहुने भन्दै विज्ञप्तिमा आफ्नै खर्चमा जान सक्ने र अफ्ट्यारोमा परि खर्च जुटाउन नसक्ने नागरिकहरुलाई पनि साथ साथमै उद्दार गर्नुपर्ने उल्लेख गरिएको छ । साथै यस विषम परिस्थितिमा श्रम स्वीकृत दिँदा जम्मा भएको कल्याणकारी कोषलाई ऐनमा उल्लेख भएको व्यवस्था अनुसार परिचालन गरि नेपालीहरुको उद्दार गर्नुपर्ने कुरामा जोड दिएको छ ।
VIDEO COMING SOON
Discussion about this post