गायिका आस्था राउत विवादमा तानिएकी छन् । उनले प्रहरीले ‘त’ँ भनेको भन्दै आक्रोश पोखेको भिडियो सामाजिक सञ्जालमा भाइरल भइरहेको छ । आस्थाले भिडियोमा अपशब्द समेत प्रयोग गरेकी छिन् । जसका कारण आस्था आफैं विवादमा तानिएकी हुन् ।
बुधबार एक विमानस्थलमा चेकिङका क्रममा महिला प्रहरीबाट दुव्र्यवहार भएको भन्दै उनले नेपाल प्रहरीप्रति आक्रोश पोखेकी छिन् । उनले भनेकी छिन्, ‘एरपोर्टबाट ३३ किलो सुन छिर्छ, ड्रग्स छिर्छ । तर एउटा महिलाले महिलालाई सम्मान गर्न सक्दैनौ ।
एउटा कलाकारको सम्मान छैन । मेरो हातमा कफि छ गोजीमा छाम्नुस्, मलाई ढिला भैसक्यो भन्दा खोल ज्याकेट खोल रे । त्यही हो बोल्ने पारा । यो पुुलिस हाम्रो साथी भन्ने नारा हटाए हुन्छ ।
उनले प्रहरीको जरा नै कुहिएको छ भन्दै भनिन्, ‘डिएसपी, आइजिपी हजुर आइवक्स्योस् गर्ने । अनि तलका प्युसो, डन्ठे, सिपाही, हल्दारले चै तँ भन्ने अरुलाई । यो नेपाल प्रहरीको जरामा नै गन्ध छ । माथि टुप्पाबाट दर्शन, यत्रो.. दर्शन । कस्तो दर्शन हो यो । मलजल गर ।
जरा नै कुहिएको छ । प्रहरीको माथिल्लो पोष्टमा बस्नेहरुले सिपाही, हवल्दारलाई संस्कार दिनुहोला । हजुरहरुलाई मात्र होइन, अरुलाई पनि हजुर भन्ने सिकाउनुहोस् । ‘तँ’ भनेको हामी सहँदैनौ । घरकै बाबु आमाले त अहिलेसम्म ‘तँ’ भनेका छैनन् । सम्मान गर जनतालाई । तिमीहरुलाई सम्मान चाहिन्छ भने अरुलाई पनि सम्मान गर ।’
आस्थाको भिडियोको हेर्न तलको लिंक खोल्नुस् :
Discussion about this post