फोक्सोको क्यान्सर बाट पिडित डिनालाई बजाउन अभियान सन्चालन

नेपालगन्ज ०९ मंसिर । फोक्सोको क्यान्सर बाट पिडित बाँके खजुराका दिना परियारको उपचार गर्न खजुराकि छोरी डिना बचाउ अभियान सन्चालन गरिएको छ । सामाजिक अभियान्ता मिरा खनाल सापकोटाको अगुवाईमा खजुरा बजारमा आज महिलाहरुको समुहले आर्थिक रकम संकलन गरिरहेको छ ।

आर्थिक रुपमा कमजोर रहेको डिनाको परिवार एक्लैले उपचार गराउन नसक्ने भएपछि खजुरामा अभियान नै सन्चालन गरेर उपचार खर्च जुटाउन त्यहाका स्थानिय महिलाहरु लागीपरेका छन । २४ वर्षिय दिना परियारले खजुरामा कपडा सिलाई गरेर घर खर्च चलाउने गर्नुभएको थियो । दिनाको अहिले काठमाडौको मनमोहन अस्पतालमा उपचार भैरहेको छ । आजै नेपालगन्जका पत्रकार करुणा शाहले आफ्नो जन्मदिनको अवसर पारेर १० हजार रुपैया आर्थिक सहयोग गर्नुभएको थियो ।