रास्वपा मादी–८ को प्रथम वडा अधिवेशन शनिबार

राष्ट्रिय स्वतन्त्र पार्टी (रास्वपा) मादी गाउँपालिका वडा नं. ८ को प्रथम वडा अधिवेशन शनिबार आयोजना हुने भएको छ। अधिवेशन २०८३ असोज १७ गते शनिबार बिहान ११ बजे मादी गाउँपालिका–८ स्थित रवैडाँडामा हुने आयोजकले जनाएको छ।

वडा तहमा पार्टी संगठनसम्बन्धी विषयमा छलफल तथा आगामी कार्यदिशा तय गर्ने उद्देश्यले अधिवेशन आयोजना गर्न लागिएको बताइएको छ।

कार्यक्रममा पार्टीका स्थानीय नेता तथा कार्यकर्ता, शुभेच्छुक, प्रवासी नेपाली र वडावासीको सहभागिता रहने जनाइएको छ।

यसैगरी, रास्वपा मादी गाउँपालिका वडा नं. ३ को वडा अधिवेशन २०८३ असोज १८ गते आयोजना हुने भएको छ। मादी गाउँपालिका समितिका अनुसार गाउँपालिकाअन्तर्गतका अन्य वडाहरूको अधिवेशन पनि क्रमशः आयोजना गरिनेछ।

वडा अधिवेशनमार्फत संगठन विस्तार, स्थानीय तहका विषय तथा आगामी कार्यक्रमबारे छलफल गरिने समितिले जनाएको छ।