नुवाकोट, साउन १२ — नुवाकोटस्थित त्रिशूली प्रादेशिक अस्पतालमा कार्यरत चिकित्सक तथा स्वास्थ्यकर्मीहरूले नेपाल चिकित्सक संघले घोषणा गरेको आन्दोलनलाई समर्थन गर्दै मंगलबारदेखि आकस्मिक (इमर्जेन्सी) सेवाबाहेक स्वास्थ्य सेवा बन्द गरेका छन्।
वीरगञ्जस्थित नारायणी अस्पतालमा चिकित्सक तथा स्वास्थ्यकर्मीमाथि भएको आक्रमणको विरोधमा नेपाल चिकित्सक संघले देशभर आकस्मिक सेवाबाहेक अन्य सम्पूर्ण स्वास्थ्य सेवा स्थगित गर्ने निर्णय गरेसँगै त्रिशूली प्रादेशिक अस्पतालका चिकित्सक तथा स्वास्थ्यकर्मीहरूले पनि उक्त आन्दोलनमा ऐक्यबद्धता जनाउँदै सेवा स्थगित गरेका हुन्।
अस्पतालका चिकित्सक तथा स्वास्थ्यकर्मीहरूले अर्को सूचना जारी नभएसम्म आकस्मिक सेवाबाहेक ओपीडी लगायतका नियमित स्वास्थ्य सेवा बन्द रहने जानकारी दिएका छन्। साथै अत्यावश्यक अवस्थामा मात्र अस्पताल आउन र अन्य स्वास्थ्य सेवाका लागि आन्दोलन समाप्त भएपछि सम्पर्क गर्न सेवाग्राहीलाई अनुरोध गरिएको छ।
अस्पताल बन्द भएपछी आम सर्वसाधारणलाई मर्कामा परेको छ ।
Discussion about this post