विश्वकप २०२६ मा किंग्स लाउन्जको ‘Predict & Win’ अभियान सम्पन्न, तीन भाग्यशाली विजेतालाई बैंकक भ्रमण गराइने

काठमाडौं, साउन १० , फिफा विश्वकप २०२६ को अवसरमा काठमाडौंको दरबारमार्गस्थित किंग्स लाउन्ज ले सञ्चालन गरेको ‘Predict & Win’ अभियान भव्य रूपमा सम्पन्न भएको छ। विश्वकप अवधिभर चलचित्र हल (Movie Theater) सरहको विशाल एलईडी स्क्रिनमा सबै खेलहरूको प्रत्यक्ष प्रसारण गर्दै खेलप्रेमीहरूलाई विश्वस्तरीय फुटबलको रोमाञ्चक अनुभव दिलाएको किंग्स लाउन्जले यसपटक पनि हजारौं दर्शकको उल्लेखनीय सहभागिता प्राप्त गरेको जनाएको छ।

विश्वकप अवधिभर किंग्स लाउन्जमा उपस्थित भई बिलिङपछि लक्की ड्र कुपन संकलन गर्ने ग्राहकहरू ‘Predict & Win’ अभियानमा सहभागी भएका थिए। यस अभियानअन्तर्गत तीन जना भाग्यशाली विजेतालाई बैंकक भ्रमण गराइने किंग्स लाउन्जका प्रबन्ध निर्देशक कुमार गुरुङ ले जानकारी दिनुभयो ।

उहाँका अनुसार, खेलप्रेमीहरूलाई केवल खेल हेर्ने अवसर मात्र नभई उत्साह, मनोरञ्जन र अविस्मरणीय अनुभव प्रदान गर्ने उद्देश्यले यो अभियान सञ्चालन गरिएको हो। सहभागीहरूले विश्वकपका खेलहरूको स्कोर अनुमान गर्दै आकर्षक उपहारका साथै बैंकक भ्रमण जित्ने अवसर प्राप्त गरेका छन ।

किंग्स लाउन्जले फिफा विश्वकप २०१८ र २०२२ मा पनि बैंकक भ्रमणसहित विभिन्न आकर्षक पुरस्कार योजनाहरू सञ्चालन गरी खेलप्रेमीहरूको मन जितेको थियो। यस वर्ष पनि सोही परम्परालाई निरन्तरता दिँदै विश्वकपलाई भव्य रूपमा मनाइएको हो ।

मनोरञ्जन व्यवसायसँगै सामाजिक उत्तरदायित्वलाई प्राथमिकतामा राख्दै आएको किंग्स लाउन्ज खेल, खेलाडी, कलाकार तथा समाजसेवाप्रति प्रतिबद्ध संस्थाका रूपमा परिचित छ। संस्थाले विगतदेखि नै खेलकुदको विकास, प्रतिभाशाली खेलाडीलाई प्रोत्साहन, कलाकारहरूको सम्मान तथा गरिब, असहाय र अनाथ बालबालिकाको शिक्षा, स्वास्थ्य र मानवीय सेवामा निरन्तर सहयोग गर्दै आएको छ ।

प्रबन्ध निर्देशक कुमार गुरुङले भन्नुभयो,
“खेलले मानिसलाई जोड्ने, प्रेरणा दिने र समाजलाई सकारात्मक दिशातर्फ अघि बढाउने शक्ति राख्छ। किंग्स लाउन्जले विगतदेखि नै खेल, खेलाडी, कलाकार र सामाजिक सेवाका क्षेत्रमा निरन्तर योगदान दिँदै आएको छ। आगामी दिनमा पनि यस्ता रचनात्मक र सामाजिक उत्तरदायित्वका कार्यक्रमलाई अझ व्यापक बनाउँदै लैजाने हाम्रो प्रतिबद्धता रहनेछ।”

उहाँले अबको केही दिनभित्र सञ्चारकर्मी, राष्ट्रिय खेलाडी, कलाकार, समाजसेवी तथा सहभागी ग्राहकहरूको उपस्थितिमा बैंकक टुरका तीन जना भाग्यशाली विजेताको सार्वजनिक लक्की ड्र कार्यक्रम आयोजना गरिने जानकारी दिनुभयो। निष्पक्षता र पारदर्शितालाई सुनिश्चित गर्न सबैको उपस्थितिमा प्रत्यक्ष लक्की ड्र गरी विजेताको घोषणा गरिने उहाँले बताउनुभयो ।

विश्वकप २०२६ को अवसरमा किंग्स लाउन्जले आयोजना गरेको विशाल पर्दाको लाइभ स्क्रिनिङ र ‘Predict & Win’ अभियानले काठमाडौंका खेलप्रेमीमाझ उत्साहपूर्ण माहोल सिर्जना गर्नुका साथै मनोरञ्जन र पुरस्कारलाई एकै साथ जोड्ने सफल अभियानका रूपमा आफूलाई स्थापित गरेको छ ।