नारायणहिटी दरबार सङ्ग्रहालय क्षेत्र ३९ दिनका लागि निषेधित, जेठ १७ देखि लागू

काठमाडौं, जेठ १७ — काठमाडौं जिल्ला प्रशासन कार्यालयले नारायणहिटी दरबार सङ्ग्रहालय क्षेत्र वरिपरिको क्षेत्रमा आज शनिबार (जेठ १७) देखि ३९ दिनसम्मका लागि निषेधाज्ञा जारी गरेको छ।

प्रशासनले जारी गरेको आदेशअनुसार, जेठ १७ गतेदेखि २४ गतेसम्म पाँच जनाभन्दा बढी व्यक्ति भेला भई अनसन, धर्ना, घेराउ, जुलुस, प्रदर्शन तथा सभाजस्ता कुनैपनि किसिमका विरोध कार्यक्रम गर्न प्रतिबन्ध लगाइएको छ।

निषेधित क्षेत्रको सीमा केशरमहल चोकबाट नारायणहिटी दरबार सङ्ग्रहालयको दक्षिण गेट हुँदै जय नेपाल मोडसम्म तथा महेन्द्र सालिक हुँदै नारायणहिटी दरबार सङ्ग्रहालयको दक्षिण गेटसम्म रहेको छ।

प्रशासनले निषेधाज्ञा जारी गर्नुको कारण भने प्रस्ट पारेको छैन, तर हालसालै सामाजिक तथा राजनीतिक क्षेत्रका केही समूहहरूद्वारा आन्दोलन र प्रदर्शनको तयारी भइरहेको सन्दर्भमा सुरक्षाको दृष्टिकोणले यस्तो निर्णय गरिएको अनुमान गरिएको छ।

सार्वजनिक शान्ति र सुरक्षामा खलल पुर्‍याउन सक्ने सम्भावित गतिविधिहरू रोक्नका लागि यस्तो कदम चालिएको जिल्ला प्रशासन कार्यालयले जनाएको छ।