चिनमा खुल्न थाले फिल्म हल || कोरोना भाइरसले थङ्थिलो बनाएको चिन यति बेला सामान्य अवस्थामा फर्किँदै छ

कोरोना भाइरसले थङ्थिलो बनाएको चिन यति बेला सामान्य अवस्थामा  फर्किँदै छ । चीनको बुहान प्रान्तबाट फैलिएको भाइरस हाल सो प्रान्तमा नयाँ सङ्क्रमण नदेखिएको बताइएको छ ।

भाइरसको सङ्क्रमण सङ्ख्या न्यून बन्दै गएपछि चिनियाँ फिल्म बजार बिस्तारै जगमगाउने तरखर गर्दै छ । भाइरसको सङ्क्रमण बढेपछि चीन सरकारले करिब ७० हजार फिल्म हल बन्द गराएको थियो ।

नयाँ वर्षको अवसर पारेर प्रदर्शनमा आउन तयार चलचित्र अड्किएका थिए । सङ्क्रमणको जोखिम घटेपछि पाँच सय हल खुल्ला गरिएको छ ।

यद्यपि कोरोना भाइरसको आतङ्कले हालसम्म प्रायः हलहरूमा दर्शकको उपस्थिति अत्यन्त न्यून छ । भाइरस सङ्क्रमणको अवस्था क्रमिक रूपमा सुधार भए अप्रिल दोस्रो सातासम्म चीनका सबै फिल्म हल सामान्य अवस्थामा फर्किने छ ।