कांग्रेस नेता नवीन्द्रराज जोशी निधन भएको

मस्तिष्कघातपछि नर्भिक अस्पतालमा उपचाररत नेपाली कांग्रेसका केन्द्रीय सदस्य तथा पूर्वमन्त्री नवीन्द्रराज जोशीको निधन भएको छ। अस्पतालका सूचना तथा सञ्चार अधिकृत सोमनाथ बाँस्तोलाले जोशीको निधन भएको बताए।

जोशीको शुक्रबार बेलुकी ८ बजेर २४ मिनेटमा मृत्यु भएको उनको उपचारमा संलग्न चिकित्सकहरूलाई उद्धृत गर्दै अस्पतालले पुष्टि गरेको छ। अस्पतालले जारी गरेको विज्ञप्तिमा शुक्रबार बिहानदेखि नै जोशीको मुटुले काम गर्न छाडेको उल्लेख छ।

जोशीका स्वकीय सचिव पुष्कर पाण्डेले जोशीको निधन भएको जानकारी अस्पतालले दिएको बताए। ‘उहाँ रहनुभएन भन्ने खबर अस्पतालले दिएको छ,’ उनले सेतोपाटीसँग भने।

जोशीलाई गत फागुन १४ मा मस्तिष्कघात भएको थियो।