नेपालगन्ज, ०९ मंसिर । फोक्सोको क्यान्सर बाट पिडित बाँके खजुराका दिना परियारलाई नेपालगन्जका पत्रकार करुणा शाहले आफ्नो जन्मदिनको अवसर पारेर १० हजार रुपैया आर्थिक सहयोग गर्नुभएको छ । ठकुरी पत्रकार समाज नेपालको अध्यक्ष समेत रहनुभएका पत्रकार ठकुरीले नेपालगन्जको बागेश्वरी मन्दिर परिसरमा दिना परियारको आमालाई उपचारमा सहयोग पुगोस भन्दै १० हजार रुपैया प्रदान गर्नुभएको हो । आफ्नो जन्मदिनमा हरेक वर्ष सामाजिक कार्य गर्ने पत्रकार शाहले यसपटक क्यान्सररोग बाट पिडित दिनाको उपचारमा सहयोग गर्नुभएको हो ।
२४ वर्षिय दिना परियार खजुरामा कपडा सिलाई गरेर घर खर्च चलाउने गर्नुभएको थियो । दिनाको अहिले काठमाडौको मनमोहन अस्पतालमा उपचार भैरहेको छ । फोक्सोमा क्यान्सर भएको थाहा पाएपछि दिनाको घर परिवारले उपचारको लागी सहयोग गरिदिन अपिल गरिरहनुभएको छ । दिनाको घरको आर्थिक अवस्था दयनिय भएकाले उनलाई बचाउन विभिन्न सहयोगीमन, सहकारी, सस्था, व्यापारी, स्वदेश तथा विदेशमा रहनुहुने नेपालीहरुलाई सहयोग गरिदिनहुन अनुरोध गरिएको दिना परियार बचाउ अभियानका अभियान्ता मिरा ढकालले जानकारी दिनुभयो ।
उपचारको लागी सहयोग रकम सङकलन गर्ने क्रममा केहिले सहयोग रकम पठाइसक्नुभएको अभियान्ता खनालले बताउनुभयो । हाल सम्म डेढ लाख सम्म सहयोग रकम सङकलन भएको जानकारी दिनुहुदै अभियान्ता खनालले उपचारका लागी अरु धेरै आर्थिक आवश्यक रहेको बताउनुभयो । उहाँले संकलित रकमलाई १÷२ दिनमै काठमाडौ पठाउने जनाउनुभएको छ ।
Discussion about this post