नेपाली जनसंपर्क समिती साउदीअरबद्वारा साउदीअरबको राजधानी रियादमा आज २५ अप्रिल – १ नेपालीलाई केही खाध्यान्न सामाग्री / राहत दिइएको छ ।
१ बर्ष अगाडि रियाद एक्जिट १४ मा रहेको एक सप्लाई कम्पनिमा जनरल वर्करको भिसामा साउदीअरब आएका हेटौंडा सिखरपानी – १५ घर भएका सुदर्शन तामाङलाई बस्नको लागि समस्या नभएको तर हाल विश्वभरी फैलिएको कोरोना भाईरस कोभिड – १९ ले गर्दा साउदीअरबको रियादमा १ महिना भन्दा लामो समय अघी देखी भएको लकडाउनका कारण उनी कार्यरत कम्पनिमा काम नहुँदा केही महिना देखी तलब नदिएको हुनाले तामाङलाई खानको लागि समस्यामा परेको भनी उनी जनसंपर्क समितिको संपर्कमा आएका थिए ।
उनी कार्यरत कम्पनिमा उनी मात्रै १ जना नेपाली रहेको र खाना पनि एक्लै खानुपर्ने भएकोले आफुसँग पैसा पनि सकिएर समस्यामा परेपछी कम्पनिलाई पटक पटक भन्दा कम्पनिले बेवास्ता गरेको र साउदीअरबमा आफुले चिने जानेको नेपालीहरु पनि नभएकोले केही दिन देखी एकदम गाह्रो परेको उनले बताएका थिए ।
उनी नेपाली जनसंपर्क समिति साउदीअरबको संपर्कमा आएपछी तत्कालै जनसंपर्क समिती साउदीअरबका सभापति र महामन्त्रीले उनलाई संपर्क गरी सबै कुरा बुझेर, सोधेर उनकै आग्रहमा तत्काल आबश्यक भएको लगभग १ महिनालाई पुग्ने गरी केही खाध्यान्न (२० किलो चामल, ३ किलो दाल, ५ किलो आलु ,५ किलो प्याज, २ लिटर तेल, २ डब्बा नुन) उपलब्ध गराएको हो ।
साउदीअरबको बिभिन्न शहरहरुमा कोरोना भाईरसबाट संक्रमित हुनेको संख्या बढ्दो क्रममा रहेकोले यहाँको बिभिन्न शहरहरुमा २४ घण्टा लकडाउन साथै कर्फ्यु यथावत नै रहेका कारण बिशेष पासको ब्यबस्था गरी जनसंपर्क समिती साउदीअरबका सभापति दिपक रेग्मीले तामाङ बस्ने स्थान मै पुगेर आज उक्त राहत सामाग्री हस्तान्तरण गर्नुभएको हो र आबश्यक परेमा, केही गाह्रो अवस्था भएमा पुन: संपर्क गर्न समितिका सभापति दिपक रेग्मिले तामाङलाई बताउनुभएको थियो ।
कोरोना भाईरस कोभिड १९ का कारण भएको लामो समयको लकडाउनका कारण साउदीअरबका स-साना कम्पनिहरु बन्द हुन, समस्यामा पर्न थालेका छन र उक्त कम्पनिमा कार्यरत कामदारहरुपनी कम्पनी नै बन्द भएर वा कम्पनिमा काम रोकिएर कम्पनीले आफ्नो कामदारको सम्पूर्ण जिम्मेवारिबाट पछी हट्न थालेसंगै धेरै नेपाली पनि समस्यामा पर्न थालेका छन
र संपर्कमा आउन थालेका कारण यसतर्फ नेपाली राजदूतावास रियाद लगायत सम्पूर्ण सरोकारवाला निकायहरुले बेलैमा गम्भिर रुपमा नसोचे अवस्था जटिल हुन सक्छ, त्यसैले साउदीअरबमा कोरोनाको बढ्दो प्रभाब, संक्रमण संगै अब आउने जलिट अवस्थाको बारेमा र यसबाट साउदीअरबमा रहेका नेपालीहरुको बिषयमा गम्भिर छलफल गरी आउने समस्याहरुलाई सजिलै समाधान र न्युनिकरण गर्न सकिन्छ त्यसको बारेमा सामुहिक छलफल गरौँ र तयारी अवस्थामा बसौँ भनी नेपाली राजदूतावास रियाद लगायत साउदीअरबमा कृयाशिल सम्पूर्ण नेपाली संघ-संस्था, समुदायहरुमा नेपाली जनसम्पर्क समिती साउदीअरब हार्दिक अनुरोध गर्दछौं ।
#stayhome #staysafe
धन्यवाद ।
-सुरेश राज त्रिपाठी
महामन्त्री
तथा
नेपाली जनसंपर्क समिती साउदीअरब परिवार ।
Discussion about this post