विद्यालयको अवस्थाबारे अनुगमन

नेपालगन्ज ६ मंसिर । शिक्षा, स्वास्थ्य, कृषि र बिपद व्यवस्थापनको जिल्ला गठबन्धनले बाँकेको डुडुवा ३ स्थित श्री माध्यमिक विद्यालय, बनकट्टीमा विद्यालयको अवस्था बारे अनुगमन गरिएको छ ।

टोलीले सार्वजनिक सेवाको अवस्थाको निगरानीका क्रममा उक्त विद्यालयमा विज्ञान र गणीत विषय पढाउने शिक्षक नै नरहेकाले सो बारेमा छलफल गरिएको थियो । सूचना र मानवअधिकार अनुसन्धान केन्द्र नेपालगन्जको पहलमा गएको अनुगमन टोलीले विद्यालयको बातावरण, स्वास्थ्य सरसफाई, शौचालय, कक्षा कोठाको व्यवस्थापन, शिक्षकहरुको कक्षामा

नियमितता, व्यवस्थापन समितिको नियमित बैठक लगायतका विषयमा जानकारी लिइएको थियो ।
अनुगमनका क्रममा देखिएका समस्यालाई अध्ययन गरि प्रतिबेदन तयार गरेर सरोकारवाला निकायसंग पहल गरिने सूचना र मानवअधिकार अनुसन्धान केन्द्रका कार्यक्रम व्यवस्थापक रविन्द्र ज्ञवालीले बताउनुभयो ।