सिनेमा ‘कार्की साइँला’को सोमबार कोटेश्वरको महादेवस्थानमा स्क्रिप्ट पूजा गर्दै शुभ मुहूर्त गरिएको छ । भिडियो सहित

काठमाडौं : सिनेमा ‘कार्की साइँला’को सोमबार कोटेश्वरको महादेवस्थानमा स्क्रिप्ट पूजा गर्दै शुभ मुहूर्त गरिएको छ । सिनेमाको मुख्य कलाकार जितु नेपाल र वर्षा सिवाकोटीले मुहुर्त सट दिएर सुरु गरिएको थियो ।

मुहूर्त पछि पत्रकारहरु सङ्गको अन्तरक्रियाका क्रममा जितु नेपालले भने, “वर्षा जी सङ्ग जोडीन पाउँदा म एकदम खुशी छु । अन्य कार्यक्रमहरुमा त हाम्रो भेट भैरहेको हुन्थ्यो तर पियरिङ भएर चाहिँ पहिलो चोटि काम गर्ने अवसर पाएको छु । उहाँले एकदमै राम्रो काम गर्नुहुन्छ । एक त म उहाँको फ्यान पनि हु ।”

कर्ण बहादुर फिल्मस् प्रा.लिको व्यानरमा निर्माण हुने यो सिनेमामा राजेन्द्र बस्नेतको निर्देशन रहनेछ । सिनेमाका प्रस्तुतकर्ता कृष्ण भगत चाम्लिङ हुन् । बालकुमार राई निर्माता रहेको सिनेमामा कार्यकारी निर्माता राजु श्रेष्ठ, संगीत बाबुल गिरि, नृत्य कमल राई, गीतकार तथा मुख्य सहायक निर्देशक जिवननाथ गौतम र पटकथा सम्वाद अजित लामिछानेको रहेको छ ।

सिनेमामा जितु र वर्षाको अलावा गीता अधिकारी, मान्सी शर्मा, श्याम मगर मनिल तामाङ रहेको छ । सिनेमाले ग्रामीण जीवनको कथा भन्ने छ । भुइँ मान्छेको कथालाई सिनेमामा प्रस्तुत गरिने निर्देशक बस्नेतले जानकारी दिएका छन् भने सिनेमाको पात्र एक भरिया हुन् । सिनेमा आगामी बैशाख २० गतेबाट धनकुटा जिल्लाको विभिन्न स्थानमा छायांकन गरिने छ यो सिनेमाका लागि अन्य केहि कलाकारहरूको छनोट प्रक्रिया अगाडि बढाइएको निर्माणपक्षले बताएका छन् ।