नेपालगन्ज ४ पुस ।
समाजमा आफुहरु खुलेर स्वतन्त्रपुर्वक बाच्न पाउनुपर्ने बाँकेका तेस्रो लिङ्गीहरुले एक कार्यक्रममा जोड दिएका छन । उनीहरुले नेपालको संविधानले व्यवस्था गरेको मौलिक हकलाई पुर्ण रुपमा कार्यान्वयन गर्नुपर्नेमा जोड दिदै हरेक समुदायको मानवअधिकार हनन हुन नदिन सरकारको ध्यानाकषर्ण गराएका थिए ।
समाजमा हामीलाई हेर्ने दृष्टिकोण फरक रहेकाले कसैलाई पनि विभेद, अपहेलना गर्न नहुने भन्दै तेस्रो लिङ्गी समुहरुको नेतृत्व गरिरहनु भएका परिना चौधरीले सबैको समान रुपमा सम्मान गर्नुपर्नेमा जोड दिदै पछाडी पारिएका अल्पसंख्यकलाई पनि स्थानीय तहहरुले प्राथमिकता दिनुपर्नेमा जोड दिनुभयो । पारस्परिक जवाफदेहिता परियोजना मानवअधिकार सुदृढिकरण कार्यक्रम अन्र्तगत सूचना र मानवअधिकार अनुसन्धान केन्द्र नेपालगन्जले आज शुक्रबार नेपालगन्जमा आयोजना गरेको दलित महिला, र अल्पसंख्यकहरुको मानवअधिकार पैरबी अभिमुखीकरण कार्यक्रमका सहभागिहरुले यी समुदायका अधिकार सुनिश्चत गर्न माग गरेका थिए ।
अभिमुखीकरण कार्यक्रममा सामाजिक, सांस्कृतिक, राजनितिक, आर्थिक र नागरिक अधिकार अन्र्तगतका विभिन्न सवालहरुको बारेमा समुहगत छलफल गरि प्रस्तुतीकरण गरिएको थियो । छलफलमा आएका सवालहरुलाई पहिचान गरि संस्थाले स्थानीय तहद्धारा निमार्ण गरिने निति नियमावलीमा मानवअधिकारका सवाललाई समाबेश गर्न पहल गरिने संस्थाका अध्यक्ष विश्वजीत तिवारीले जानकारी दिनुभयो ।
अभिमुखीकरणमा अधिकारकर्मी प्रकाश उपाध्यायले सहजीकरण गर्नुभएको थियो । कार्यक्रममा पश्चिम ताराका परिना चौधरी, संस्थाका कार्यकारी निर्देशक राकेशकुमार मिश्र, टेकनाथ आचार्य लगायतले बोल्नु भएको थियो । अभिमुखीकरणमा डुडुवा गाउँपालिका र नेपालगन्ज आसपासका तेस्रो लिङ्गी, दलित, मुस्लिम तथा अल्पसंख्यक गरि ३५ जनाको सहभागिता रहेको थियो ।
Discussion about this post