४ साउन, इटहरी । इटहरी–१२ खनारमा बहुउद्देश्यीय कभर्डहल निर्माण सुरु भएको छ । खनारस्थित रिलायन्स स्पिनिङ मिल्स उत्तरपट्टिको सार्वजनिक २ कठ्ठा जग्गामा बन्ने कभर्डहलको मेयर द्धारिकलाल चौधरीले शिलान्यास गरेका छन् ।
इटहरी उपमहानगरपालिकाको नगरस्तरीय योजनाअन्र्तगत १० लाख र जनश्रमदानबधाट कभर्डहल निर्माण सुरु गरिएको वडा सचिव प्रेम रिजालले जानकारी दिए । बहुउदेश्यीय भवनमा ब्याडमिन्टन, टेबलटेनिस र भलिबल खेल्न सकिने छ ।
कभर्डहल बनेपछि खनार क्षेत्रका खेलाडीलाई खेल अभ्यास तथा इनडोर प्रतियोगिता आयोजना गर्न सहज हुने वडाध्यक्ष हेमानन्द दाहालले बताए ।
Discussion about this post