४ साउन, इटहरी । इटहरी उपमहानगरपालिकाले दुई वटा क्याम्पस र तीन वटा विद्यालयलाई सेनिटरी प्याड डिस्पोजल मेशिन प्रदान गरेको छ ।
इटहरी उपमहानगरपालिकाकी उपप्रमुख लक्ष्मी गौतमले जनता क्याम्पस इटहरी र राष्ट्रिय जनसहयोग कलेज इटहरीलाई सेनिटरी प्याड डिस्पोजल मेशिन प्रदान गरेकी हुन् ।
यसैगरी शारदा मावि खनार, जनता मावि इटहरी र पकली माविका लागि सो मेसिन प्रदान गरिएको उपमहानगरले जनाएको छ ।
प्रयोग भइसकेका सेनिटरी प्याड उक्त मेशिनमा हालेपछि मेशिनले जलाएर खरानी बनाई नष्ट गर्छ । प्याड जथाभावी फाल्दा फोहोर हुने र शौचालयको प्यान नै टालिने समस्या हुने गरेकोमा उपमहानगरपालिकाबाट उक्त मेशिन सहयोग भएपछि सहज हुने शारदा मावि खनारका प्रधानाध्यापक पिताम्बर सिंह राईले बताए ।
Discussion about this post