सिन्धुपाल्चोकमा बस दुर्घटना हुँदा कम्तीमा १२ जनाको मृत्यु भएको छ

सिन्धुपाल्चोकमा बस दुर्घटना हुँदा कम्तीमा १२ जनाको मृत्यु भएको छ।सिन्धुपाल्चोकका निमित्त प्रमुख जिल्ला अधिकारी भीमकान्त शर्माले घटनास्थलमा १२ जनाको मृत्यु भएको पुष्टि गरे। मृतकको सनाखत भइसकेको छैन।

दुर्घटनामा १८ जना घाइते भएको उनले जानकारी दिए घाइतेलाई उपचारका लागि खाडीचौरस्थित सिन्धुसदावहार अस्पताल र काभ्रेको धुलिखेल अस्पतालमा पठाइएको छ।गम्भीर घाइतेलाई हेलिकप्टरबाट काठमाडौं पठाउने तयारीमा रहेको पनि उनले बताए।

कालिञ्चोक दर्शन गरेर फर्कदै गरेको बा ४ ख ४४६८ नम्बरको बस आइतबार विहान करिब ९ बजे सुनकोशी गाँउपालिकाको-६ मा दुर्घटना भएको थियो। बस सडकबाट करिब दुई सय मिटर तल खसेको प्रहरीले जनाएको छ।

उक्त बसमा भक्तपुरबाट कालिञ्चोक दर्शन गर्न गएका दर्शनार्थीहरू सवार थिए।