साउदी अरबको यान्बु शहरमा अलपत्र ११ नेपाली श्रमिकको उद्वार ।

साउदी अरब को यान्बु शहरमा अलपत्र ११ नेपाली श्रमिक को उद्वार भएको छ। अलपत्र ११ जना मध्ये १ जना स्थानीय कम्पनी मा ट्रान्सफर लिएको र बाँकी १० जना आज नेपाल फिर्ता भएका छन् ।

उनीहरूलाई नेपाली राजदुतावास रियाद र नेपाली महाबाणिज्यदुतावास जेद्दा को अथक प्रयासमा कम्पनीले बहिर्गमन भिषा र टिकेट उपलब्ध गराएको हो । ५ महिना देखी कम्पनीले काम र तलब दिएको थिएन १ महिना पहिले नेपाली सेवा समिति-यान्बु को सम्पर्क मा आएर विभिन्न मिडियामा  समाचार आए पश्चात प्रक्रिया अगाडि बढेर उद्वार गर्न सफल भएको मा राजदुतावास रियाद, वाणिज्य दूतावास जेद्दा, पत्रकार तथा अन्य सहयोगीहरूलाई समितिका  कार्यबहाक अध्यक्ष धन बहादुर गुरुङले धन्यवाद ज्ञापन गर्नुभयो।

पीडित पुरानो भिडियो लिन्क तल्ल

https://www.facebook.com/share/v/1Z6fNwAUdW/

खान नपाएर परदेश मै भोकै मरिन्छ कि भन्ने लागेको थियो ३७  दिन यता आवश्यक खाद्यान्न, सरसफाइ सामाग्री र केही नगद रकम उपलब्ध गराएर नेपाली सेवा समिति ले अभिवावक को जिम्मेवारी ग्रहण गरि हाम्रो ज्यान बचाईदियो बहिर्गमन भिषा र टिकट पाए पछि खुसी हुदै एक पिडितले भने।

रुममा बिजुली थिएन ५०-५५ डिग्रीको गर्मीमा यसै बस्दा केहि साथी बिरामी परेपछि उपचारको लागि पैसा नभएर नेपाल मेनपावर कम्पनीलाई जानकारी गराउदा रुम र उपचारको लागि पैसा पठाईदिन्छु भनेको तर आज भोलि भन्दै टारिदिएको अर्का पिडित ले बताए । घर जाने बेलामा कम्पनी ले बाँकी तलब उपलब्ध गराउने भनेता पनि ५ महिना देखि को करिब ५९ हजार साउदी रियल (ने.रु. २२ लाख) तलब नदिई टिकेट मात्र उपलब्ध गराएको पिडितहरुको गुनासो छ।

अल फराज इन्टरनेशनल ओभरसिज प्रा. लि. नेपाल बाट साउदी को इलाईट सपोर्टिङ कम्पनी एलएलसी मा गत सेप्टेम्बर २०२३ मा मेसन, टि ब्वाए, लेबर मा साउदी अरब पुगेका उनीहरूलाई शुरुवातमा तलब दिए तापनि ९ महिना देखी  साउदी आवासीय कार्ड (अकामा) नविकरण नगरिदिएको, ५ महिना देखी तलब नदिएको र बिगत २ महिना देखी रुममा लाईट नभएकोले खाना बस्न को समस्या भएको थियो।