साउदिमा आठ जना नेपाली अलपत्र अवस्थामा,सहयोग र उद्दारको लागि अपिल || ( भिडियो सहित )

रियाद संवाददाता – ३० बैशाख २०७७, मंगलवार – एघार महिना अघि साउदी आएका आठ जना नेपालीहरु साउदिको रियादमा अलपत्र अवस्थामा रहेका छन । कम्पनीले उनिहरुलाई विगत तिन महिना देखीको पारिश्रमिक र बस्ने कोठा समेत नदिएपछि उनिहरु अलपत्र परेका हुन ।

साउदिमा कार्यरत मेनपावर व्यवसायी अजिज खानले यहाँ स्थित सामाजिक संस्था सहयोगी नेपाली एकता समाजका अध्यक्ष खेमराज भट्टलाई दिएको जानकारी अनुसार उनिहरु अनेस्टी ओभरसिज प्रा.लि नाम गरेको मेनपावरबाट साउदिको Cities co.general contracting भन्ने कम्पनीमा आएका थिए । कम्पनीले शुरुको सात महिनासम्म साउदिकै शकाका भन्ने ठाउँमा काम लगाएको थियो । त्यसपछि पोटोरो रादी भन्ने ठाउँमा तीन महिनासम्म काम लगायो र फेरि उनिहरुलाई जुबेल पठाएको थियो तर जुबेलबाट भने मे महिनामा गाडी चढाएर रियाद पठाएको पिडितले बताएका छन ।

हाल उनिहरु रियादको सोह्र नम्बर भनेर पठाए पनि आठ नम्बर स्थित जनदरिया भन्ने ठाउँमा खुल्ला आकाश मुनि बसिरहेका छन । जनवरी सम्मको तलब पाएको बताउने उनिहरुले फेब्रुअरी महिना देखि अर्कै कम्पनीमा काम गर्न पठाएको तर त्यसै महिनादेखी तलब पाएका छैनन्, । अहिले उनिहरु पहिलाकै कम्पनिमा फर्काईए पनि तीन महिना देखिको तलब नपाउदा झन पिडामा भएको बताउछन ।

पिडितहरु सल्यान जिल्ला घर बताउने ३ जना नर ब. कुमाई, प्रेम ब.खत्री र रमेश खत्री । त्यस्तै रुकुमका यज्ञ ब. गौसै, सोलुखुम्बुका डिक ब. नेपाली, सिन्धुलीका वीर ब.लो र गुल्मी जिल्लाका कृष्ण ब.घिमिरे र अर्जुन दमाई रहेका छन । अहिलेसम्म आफुहरुको उद्दारको पहल कतैबाट पनि नहुँदा झन समस्यामा परेको पिडितहरु बताउँछन । बागेश्वरी न्युज डटकमले नेपाली दूतावास रियादमा जानकारि गराएपनी उद्दारको कुनै पहल नभएको पिडितको गुनासो रहेको छ ।

त्यसैगरी, साउदिमा कार्यरत मेनपावर व्यवसायी अजिज खानले आफुले उद्दारमा सहयोग गर्न तथा केही राहत दिन चाहेको तर साउदिमा भएको लकडाउनको कारण नसकेको बताउनु भएको छ । वहाँका अनुसार उनीहरु कार्यरत कम्पनीमा बारम्बार, फोन गर्दा पनि रिसिभ गरेको छैन । वहाँले यश दुखद घडिमा यहाँ कार्यरत विभिन्न सामाजिक संघ,संस्थाको आवश्यक रहेको र सहयोग गरिदिनु हुन पनि अनुरोध गर्नु भएको छ । साथै नेपाली दूतावासले पनि रोजगारदाता कम्पनीसंग सम्पर्क गरि आवश्यक उद्दारमा पहल गरिदिनु हुन अनुरोध गर्नु भएको छ।
पिडितहरुको रोजगारदाता कम्पनी र कामदार बिच भएको सम्झौता पत्रमा १०००+३०० रियल तलब प्रतिमहिना दिने,कामको अवधी भर खान,बस्न औषधोपचार दिने, contract अवधि सकिए पछि र फेरि आउन चाहेमा दोहोरो टिकट सुविधा, ८ घण्टा ड्युटी,२ घण्टा ओभरटाइम, हप्तामा एक दिन छुट्टि लगायतका सम्झौताहरु उल्लेख गरिएको छ । जुन पेपरमा प्रष्ट देख्न सकिन्छ ।

पिडितहरुले यस दुखद घडिमा यहाँ स्थित नेपाली दूतावास लगायत विभिन्न समाजिक संघ,संस्था तथा मनकारी सहयोगी महानुभावहरुमा सहयोगको अपिल गर्दै 0571871649 आफ्नो नम्बर समेत उपलब्ध गराएका छन । तत्कालीन अवस्थामा बागेश्वरी न्युज डटकमले सहयोग स्वरुप केही खाद्यान्न उपलब्ध गराएको भएपनी स्थिती एकदम नाजुक रहेको बागेश्वरी न्युज डटकमले गरेको स्थलगत रिपोर्टमा देख्न सकिन्छ ।
जुन भिडियो यसै साथ उल्लेख छ । ( भिडियो सहित )