चलचित्र ‘भगवत् गीता’मा धिरज र सुहाना को जोडी पक्का

यही बर्षको पुस २० गतेदेखि छायांकन सुरु हुने चलचित्र ‘भगवत् गीता’मा मुख्य अभिनेताको रुपमा धीरज मगर अनुबन्धित भएका छन् । शनिबार चलचित्र निर्माण कम्पनी र् धीरज मगर बिच लिखित सम्झौता भएको हो । चलचित्र ‘भगवत् गीता’ लाई झरना थापाले निर्देशन गर्दै छीन । अब भने दर्शकले धीरज मगर र् सुहाना थापा बीच अनस्क्रिन रोमान्स हेर्न पाउने भएका छन । सुनिलकुमार थापाले निर्माण गर्ने सिनेमाको तीन महिना अगाडी औपचारिक घोषणा गरिएको थियो । मिथिलाको प्रांगणमा खिचिएको ‘अनाउन्समेन्ट टिजर’ले सिनेमाको हाइप बनाउन सहयोग पुर्याएको थियो ।

पहिलो पटक युवापुस्तामा लोकप्रिय सुहाना र धिरजको यो सहकार्य दर्शकको लागि प्रतिक्षित छ् । यस अघी ‘भगवत् गीता’ को लागि धीरजले ५० लाख पारिश्रमिक मागेको चर्चा थियो अहिले भने धीरजले मागेको र निर्माण कम्पनीले अप्रोच गरेअनुसारको पारिश्रमिकमा कुरा मिले पछी अनुबन्धित भएका हुन ।

निर्माण टिमले सामूहिक फोटो राख्दै धिरजलाई फिल्ममा अनुबन्ध गरेको जानकारी गराएको हो । ‘ए मेरो हजुर’को पछिल्ला दुई शृंखलामा अभिनेता अनमोल केसीको अपोजिट देखिएकी सुहानाले पहिलो पटक नयाँ को-स्टारसंग काम गर्न लागेकी हुन् । सुहाना इन्टरटेनमेन्टको प्रस्तुति र सुनिल कुमार थापा प्रोडक्सनको व्यानरमा निर्माण हुने सिनेमामा संजय लामाको छायांकन, प्रवेश मल्लिकको ब्याकग्राउन्ड स्कोर, रामजी लामिछानेको कोरियोग्राफी, काव्या थापाको शृंगार र शाहील खानको सम्पादन रहनेछ । छिट्टै नै फ्लोरमा जाने सिनेमालाई २०८० सालको बैशाख १ गते रिलिज गरिनेछ ।