मोरङ्ग सुनसरी सेवा समाज साउदिले आफ्नो वार्षिक उत्सव मनाउने भएको छ।

यहि आउँदो २०२१ जनवरी १ तारिक शुक्रबारका दिन आफ्नो पहिलो वार्षिक उत्सब मनाउने मोसु का सचिव सुजन शेर राइले बताउनु भएको छ। भर्चुअल माध्यमबाट हुने उक्त कार्यक्रममा प्रदेश एकका सांसद प्रमुख अतिथी हुनु हुने छ भने अतिथिहरु सम्पुर्ण देशमा रहेका मोसु का प्रतिनिधिहरु रहने कुरा मोसु साउदिका अध्यक्ष हेम सुवेदिले वार्षिक उत्सव तयारी बैठकमा जानकारी दिनु भएको छ।

अहिले कोरोना महामारीको कारण प्रत्यक्ष भेटघाट कार्यक्रम गर्न नसकिने र अन्लाईन भर्चुअल कार्यक्रम गर्न लागिएको हो।कार्यक्रमको तयारी भैरहेको जानकारी अध्यक्ष सुवेदिले दिनु भएको छ।

गत वर्ष मात्रै साउदिमा स्थापना गरिएको मोरङ्ग सुन्सरी सेवा समाजले साउदिमा अलपत्र परेका,कोरोनाका कारण समस्यामा परेका नेपालीलाई सहयोग,हवाई टिकट,खाद्यान्न वितरण,साउदिमा मृत्यु भएकाको परिवारलाई आर्थिक सहयोग,दूतावास सङ्ग समन्वय गरि समस्यामा परेका नेपालीलाई उद्दार लगायतका कामहरु गर्दै आइरहेको छ।

मोरङ्ग र सुनसरी जिल्लामा बसोबास गरि वैदेशिक रोजगारमा रहेका सम्पूर्ण नेपालीहरुलाई एकतृत गर्दै विभिन्न सामाजिक कार्य सङ्गै रोजगारीको लागि विभिन्न व्यवसाय समेत संचाल गर्दै आइरहेको मोसु को नेपाल लगायत अन्य धेरैदेशहरुमा शाखाहरु रहेकाछन भने केन्द्रीय कार्यालय सुनसरीको इटहरीमा रहेको छ।