स्याङ्जामा क्यान्सर पीडितको उपचारका लागि ३ दिनमै उठ्यो एक लाखभन्दा बढी सहयोग राशि

स्याङ्जा, वालिङ —
वालिङ नगरपालिका–१ निवासी श्री टिकाराम काफ्ले (उमेर ४३) क्यान्सर रोगबाट पीडित भई विगत एक वर्षदेखि त्रिभुवन विश्वविद्यालय शिक्षण अस्पताल, महाराजगञ्ज, काठमाडौं मा उपचाररत छन्।

चिकित्सकको सल्लाहअनुसार उपचारमा ठूलो खर्च लाग्ने भएपछि पीडित परिवार आर्थिक अभावमा परेको थियो।

उक्त समस्यालाई मध्यनजर गर्दै स्थानीय समाजसेवी श्री गोपाल पंगेनीको पहलमा शुक्रबार (असार २० गते) बाट सहयोग संकलन अभियान सुरु गरिएको थियो। छोटो समयमा व्यापक सहयोग प्राप्त हुँदै आईतबारसम्म (असार २२ गते) ने.रु. १,०२,१४२.८९ रुपैयाँ संकलन गरी पीडितलाइ उपलब्ध गराएको NIMB बैंक खातामा जम्मा गरिएको छ।

उक्त अभियानमा स्याङ्जा र विदेशमा विशेषगरी साउदी अरेबियामा कार्यरत नेपालीहरूबाट उल्लेखनीय सहयोग प्राप्त भएको छ। साउदीमा लामो समयदेखि मानव सेवा र सामाजिक कार्यमा सक्रिय नेपाली समुदायले यसपटक पनि एकजुट भएर साथ दिएका छन्।

सहयोग अभियानमा साथ दिने सहृदय सहयोगदाताहरूमा Shes Kant Puri, Amrit Ghising Tamang, मदन गाहा मगर, Ganga Godar, Kabita Khatri, Jesh Shrestha, Rajan Malla Thakuri, Prakash Sarki, Arjun Thapa, पुरुषोत्तम खनाल, Khem Raj Bhatta, बासुदेव सापकोटा, Rana Magar, Surendra, Paras Kafle लगायत दर्जनौं सहयोगी मनहरूको उल्लेख गरिएको छ।

यस भावनात्मक अभियानले एकपटक पुनः प्रमाणित गरेको छ कि विदेशमा रहेर पनि आफ्ना गाउँघर, परिवार र समूदायप्रतिको माया र जिम्मेवारी कसरी जीवित रहन्छ। टिकाराम काफ्लेको शीघ्र स्वास्थ्य लाभको कामना गर्दै, यस्ता सहयोगात्मक भावना निरन्तर फैलिन सकोस् भन्ने अपेक्षा गरिएको छ।